Hebrews 12:3 - Sa Ugud Apudyus

³ Sosomḵon taḵu inon Jesus we nanganuanus si ummamdane ampaḵaḻamane ḵingwan da ḵabasbassuḻan ḵan siya ta adi taḵu madismaya ḵan ḵumuya.

Hebrews 12:3 Referans Kwoze

Galatians 6:9

Pun siya gapunae aditaḵu oḵyan mappoge angwa'tta ambaḻu te dumatong ustu we timpu we angittan Apudyus ḵan ditaḵu'tta gunguna nu adi taḵu mappoge anguuway.

2 Corinthians 4:16

Pun gapu'tta sana, adiḵanipun paat madismaya te taḵon ay nu maas-assinut ḵumuya da long-agni, inaḻgaw ose mapabaru naispirituwane ḵinatataguni.

Revelation 2:3

Igammuḵ ḵinaanusyu we angiyattom atta ampaḵaḻamanyu gapu ḵan saḵon ya adiḵayupun maayong.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

2 Corinthians 4:1

Gapu'tte ḵadagun Apudyus, naatod ḵan diḵani annae ḵewaaḻ, pun adiḵanipun paat madismaya.

John 5:16

Pun insaḻad da papangat da Judyu we sumasanga ḵan Jesus gapu ta umillongan nangwaana'tte ḵaḵna.

Hebrews 12:5

Naliwatanyu ḵamman Ugud Apudyus we anoḻgag ḵan diḵayu we imbelangna'ḵ abengna? Ḵanana, “Abengḵu, andongoḻḵa nu disiplinaon Apu siḵa'tta maḵabasuḻam, adiḵa madismaya nu suppaḵana siḵa.

Luke 14:1

Sin-aḻgawan ḵad atte umillongan, ummoy aḵ Jesus atte boḻoy ni pangat da Pharisee woḵ naḵaḵan, pune sadi sinipusiputanda nu ngai ḵoona.

2 Thessalonians 3:13

Susunudḵu ḵan Kristu, adiḵayu mappoge angwa si ambaḻu.

John 18:22

Imbagan ḵad ay Jesus anna, nilipaḵ ni osae guwaḻda bosaḻna woḵ ḵanana, “Ngaipa ḵaḵnat ansosongbatnu si ḵangatuwane padi?”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.

John 8:59

Dingngoḻ ḵad ay da Judyu, nangaḻada'ḵ batu ta batuwonda yaḵon nantaḻu'ḵ Jesus woḵ lummawa si paway ni templo.

John 8:13

Ḵanan da Pharisee, “Siḵa pos pagay angugud atte mipanggob si long-agnu. Pun nu ippun udum aḵ anaḵdoḻ atta sanate imbagam, adinipun tuttuwaone tuttuwa da imbagam.”

John 7:12

Da nandatdatonge tagu'tte gayagaya, siya uguugudonda mipanggob ḵan Jesus. Ḵanan da udum, “Ambaḻu ugalin Jesus.” Yaḵon ḵanan os da udum, “Lawwelawweng te uḻ-uḻnugana da tagu.”

Luke 16:14

Dingngoḻ ḵad da Pharisee imbagan Jesus, inam-amsewda te siya pionda pilaḵ.

Luke 15:2

Pun da Pharisee ya da mimistulun ni lintog ḵanandae nallili, “Ilanyu ḵad annae tagu! Ngaipana pione maḵaug-uggud atta ḵabasbassuḻan ya taḵon ay os ḵaḵan midoga bos ḵan dida!”

Luke 5:21

Gapu'tte sadi ye imbagana, ḵanan da Pharisee ya da mimistulun ni lintog atta somsomoḵda, “Ngaipana ugudon ḵaḵnat? Itaḻayagna long-agnae miyisu ḵan Apudyus we abus aḵ anna ḵaḻabbonganae amakawan atta basuḻ.”

Luke 2:34

Pune sadi, binindisyunan Simeon dida woḵ ḵanana ḵan Mary, “Dongngom, sa annae abeng, dinutuḵan Apudyus siya'ḵ mataguwan da adu ḵan ditaḵu we ganaḵ Israel ya adu bos da madusa. Awad da anging-ingnga ḵan siya.

Matthew 22:15

Pune sadi ḵesan da Pharisee woḵ ummoyda nantutuḻag si inondae anoḵma ḵan Jesus gapu'tta inugudna.

Matthew 21:46

Pun pionda oḵyane doḵmaan aḵ Jesus yaḵon siya iyogyatda da tagu te imbelangda'ḵ Jesus we profeta.

Matthew 21:23

Pun nipauli'ḵ Jesus si paway ni templo. Nantuttudu ḵad, nandatdatong da papangat da papadi ya da pallakayon da Judyu woḵ ḵanandae nan-imus ḵan siya, “Ngai ḵaḻabbongame angwa'tta sana? Ḵad ngai nangitod ḵan siḵa si annae ḵaḻabbongam?”

Matthew 15:2

“Ngaipan da disipulum lisalison ugali ye tinawid taḵu'tta danaḵḵoḻ taḵu? Anganda ya adidapun unudon ustu we inondae ambuḻu.”

Matthew 12:24

Yaḵon dingngoḻ ḵad da Pharisee ḵananda, “Abus aḵ Beelzebul we pangat da aḻan aḵ nangitod atte ḵabooḻanae amaḻyaw atta aḻan.”

Matthew 11:19

Ḵan saḵone Abeng Di Tagu, ummaliyaḵ ḵade maḵainum ya maḵaḵan, ḵananyu, ‘Ilanyu, siya ḵad bartekero ya botaḵan! Maḵabuḻbuḻun atta andadagup atta bugis ya da udume ḵabasbassuḻan.’ Yaḵon ilanyu ḵad, mipailae ustu ḵinalaing Apudyus atta biyag da losane angunud atte ḵinalaingna.”

John 9:40

Dingngoḻ da udum atta Pharisee ye adani ḵan siya woḵ ḵananda, “Ḵanam ḵammane naḵuḻap ḵani bos?”

John 10:20

Adu da ḵananda, “Naaḻanan ya naḻapang. Ngaipayu dongngon?”

1 Peter 2:23

Inang-angyagda ḵad, adipun os ummang-angyag. Nampaḵaḻamonda ḵad, adinapun inḵoḻkog dusa ḵan dida yaḵon nantaḻgod ḵan Apudyus we naun-unan anḵuḵuwisna.