Hebrews 12:2 - Sa Ugud Apudyus

² Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 12:2 Referans Kwoze

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Philippians 1:6

Anggappiyaaḵ os te iniiggammuḵe aaddi ye aḵ Apudyus we nangisaḻad si ambaḻu we ḵoona'tta biyagyu, siya bos amagapagatup inggana'ḵ magangput atte ḵasine umaliyan Jesu Kristu.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.

Acts 5:31

Intaḻayag Apudyus atte madawinanna ta siya angipangat ya anagu ḵan ditaḵu ta ittana da ganaḵ Israel aḵ wayadae angibabawi'tta basuḻda ya agaydae angwa ta mapakawanda.

Luke 24:26

Maawatanyu oḵyane ḵasapuḻane sa Kristu umunae ampaḵaḻam ya asiyot midayaw.”

Jude 1:21

Popotpotanyu ayat Apudyus ḵan diḵayu si anguuwwayanyu si biyag aḵ inggana'd langite itton Jesu Kristu we Apu taḵu gapu si ḵadaguna.

Hebrews 8:1

Annaya pionni ye ibaga: Awad de ḵangatuwane padi taḵu we tutuḵdu si madawinan ni tronon Apudyus we ḵangatuwan ad langit ya maḵapangat ḵan siya.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

Philippians 3:20

Yaḵon ḵan ditaḵu, ad langit ustu we ili taḵu ḵad siya bos maḻpuwan ni uuwayon taḵu we aḵ Apu Jesu Kristu we anagu ḵan ditaḵu.

Mark 14:36

Ḵanana, “Ama, lamognu ḵoon da ngaiman, nu maḵwa oḵyan, iligsim saḵon si annae ampaḵapaḵaḻamaḵ. Yaḵon daḵampun si pinioḵ maḵwa yaḵon sa piniom.”

Revelation 2:8

Ḵanana bos, “Annaya isuḻatnu'tte anghel we angayyuwan atta namati ye magimugimung ad Smyrna, ‘Saḵon ummuna ḵan anguddidi. Saḵon os natoy woḵ ummuli. Annaya ibagaḵ ḵan diḵayu.

Hebrews 13:13

Intaḵu ḵan Jesus atte lasin ni ḵampu, ta ampaḵaḻam taḵu'tta nibabbainana.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

John 13:3

Yaḵon inigammun Jesus we impuḻang Amana ḵan siya da losan ya inigammuna bose naḻpu ḵan Apudyus ḵad mipauli bos ḵan siya.

Luke 17:5

Pun ḵanan da apostol ḵan siya, “Apu, papigsaom ḵappos da pammatini.”

Mark 9:24

Pun daguse indangsoḻ ni amanae gumminga woḵ ḵanana, “Amatiyaḵ, yaḵon badanganaḵ ḵappos te potog.”

Hebrews 12:3

Sosomḵon taḵu inon Jesus we nanganuanus si ummamdane ampaḵaḻamane ḵingwan da ḵabasbassuḻan ḵan siya ta adi taḵu madismaya ḵan ḵumuya.

Ephesians 2:16

Nan-ossaanon Apudyus da Judyu ya da Gentil we isun di ossaane long-ag ta sa miyossaananda ipaḻ-og Apudyus maḵabuḻbuḻunanda ḵan siya mipagapu'tte natoyan Jesus atte kros woḵ adinapun ogon ḵoon dida'ḵ bumusuḻ ḵan siya ya da udum.

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

John 12:32

Yaḵon nu mipangatuwaḵ atte annae luta, paadaniyoḵ da losane tagu ḵan saḵon.”

1 Peter 1:11

Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.

Hebrews 10:14

Ḵad gapu'tte namingsane nangidatunan Apu Jesus si long-agna, nambalinona'ḵ maun-unan aḵ inggana da tagun Apudyus we pinapoḻḵasna.

John 12:24

Ibagaḵ ḵan diḵayu ḵatuttuwaan, sa ossaane buḵoḻ nu adi maottag si luta ya matoy, umoossaan. Yaḵon nu matoy, amunga'ḵ adu.

John 8:56

Amod de layad Abraham we daḵdaḵoḻyu te ilana aḻgawe umaliyaḵ sina. Pun tuttuwae nipaila ḵan siya woḵ allaylayad.”

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

Luke 23:11

Pun aḵ Herod nidoga bos atta suḻdadunae nanginsultu ya nangang-angyag ḵan Jesus. Sinilupanda si langgoyode isuna silup da ari woḵ naabus ḵad impaulida ḵan Pilate.

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Revelation 1:17

Sa nangil-aḵ ḵan siya nisubuḵaḵ atte sinagungnae isun di natoy. Yaḵon inappadana saḵon si madawinane imana woḵ ḵanana, “Adiḵa maḵimut te saḵon ummuna ḵan anguddidi,

Revelation 1:11

Ḵanana, “Igilim atte iblu da ilam ta idagasnu'tta pitu we gimung da namati'd Ephesus, Smyrna, Pergamum, Thyatira, Sardis, Philadelphia ya ad Laodicea.”

Hebrews 7:19

Sa sanae lintog Moses ippun ḵabooḻanae ambalinona da tagu'ḵ maun-unan. Pun sinsadi, naatod ḵan ditaḵu nabaḻu we namnamae maḵwae umadaniyan taḵu ḵan Apudyus.

Hebrews 1:13

Ḵad naippun nangibag-an Apudyus atta anghelna'tte isun ni annae imbagana'tte Abengna we ḵanana, “Tumuḵduḵa'tte madawinanḵu we ampangat inggana'ḵ oḻgoḵ da ḵabusuḻnu.”

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

Mark 9:12

Ḵanan Jesus, “Sa tuttududa tuttuwae umuna'ḵ Profeta Elijah umali ta umoyna iyuḻnus da losan. Awad os si nigili ye Ugud Apudyus mipanggob ḵan saḵone Abeng Di Tagu. Sa imbagana, ḵasapuḻane ampaḵaḻamaḵ ya am-amsewonda bos saḵon.

Revelation 1:8

Ḵanan Apu we Apudyus, “Saḵon nangadanan aḵ Alpha ḵan Omega. Saḵon Apudyus we maḵabooḻ atta losane inninggaw si awe, iinggaw sinsana ya aḵ inggana.”

Hebrews 11:36

Da udum, naam-amsewda ya naap-aplitda, naḵawadanda ya nibaḻudda.

Hebrews 10:33

Udumna ḵad insultuwonda ḵan ampaḵaḻamonda diḵayu'tte sinagung da adu we tagu. Sillaḻabi ḵad os, midoga ḵayu ampaḵaḻam atta buḻunyu.

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

Acts 3:15

Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

James 2:1

Susunudḵu ḵan Kristu, adiyu laḵlaḵsigon da tagu nu amati ḵayu ḵan Apu Jesu Kristu we madaydayaw ḵan ḵangatuwane Apu.

Mark 15:28

Sadi nituttuwaan ni Ugud Apudyus we ḵanana, “Niyiyap atta ḵabasbassuḻan.”