Hebrews 12:14 - Sa Ugud Apudyus

¹⁴ Pangganyu allin-awae maḵabuḻbuḻunanyu'tta losane tagu ya mitotoḵḵon ḵayu'ḵ taguna ta bumaḻu ugaliyu te nu adi tagu ḵaḵnat adinapun ilan aḵ Apu.

Hebrews 12:14 Referans Kwoze

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

1 Thessalonians 4:7

Te adimpun Apudyus ditaḵu pinili ta angwa taḵu'tta ḵaissaw ya ḵababbain yaḵon mitotoḵḵon taḵu'ḵ taguna ta bumaḻu ugali taḵu.

1 Peter 3:11

Ḵasapuḻane an-awidana lawweng ya ḵoona ambaḻu, ya masapuḻ ose ipapatina sington allin-awae maḵabuḻbuḻunana'tta buḻunna.

Romans 12:18

Igga taḵu ḵabooḻan taḵu ta allin-awa ambubuḻunan taḵu'tta losane tagu.

Romans 14:19

Pun ḵasapuḻane igga taḵu ḵabooḻan taḵu ta allin-awa maḵabuḻbuḻunan taḵu'tta udum ya ngaimane amapigsa'tta pammati taḵu.

1 Thessalonians 3:13

Papigsaon oḵyan Apu Jesus da somsomoḵyu ta naippun angkuranganyu ya bumaḻu da ugaliyu si antotollong Apudyus we Ama taḵu si umaliyan Jesus we Apu taḵu we midoga da losane taguna.

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

3 John 1:11

Ay-ayatoḵe buḻbuḻun, adim unudon da angwa'tta lawweng yaḵon unudom da angwa'tta ambaḻu. Te da angwa'tta ambaḻu, dida da abeng Apudyus yaḵon da angwa'tta lawweng ippun igammuda ḵan Apudyus.

Ephesians 5:5

Te inigammuyu we naippun maḵadagdagas ya angwa'tta ḵababbain aḵ midoga si ampangatan Kristu ya aḵ Apudyus. Isuna bos da ḵamommodona ḵuwan da udum te sa ḵamommodna, siya isun di apudyusna.

Hebrews 12:10

Te da aamma taḵu sina'd luta, dinisiplinaanda ditaḵu si sin-aḵitan para'tte simsimmoḵdae ambaḻu. Yaḵon aḵ Apudyus, disiplinaona ditaḵu para'tta bumaḻuwan taḵu ta bumaḻu da ugali taḵu we miyisu ḵan siya.

1 Timothy 6:11

Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

1 Peter 3:13

Awad ḵamman angwa'ḵ lawweng ḵan diḵayu nu ipapatiyu we angwa si ambaḻu?

Mark 9:50

Ambaḻu asin yaḵon nu ippun ogon tamtamna, ngai inonae mipauli tamtamna ḵasin? Ḵad sosomḵonyu mipanggob atte usar ni asin ya an-asibadang ḵayu ta allin-awa ambubuḻunanyu.”

2 Peter 3:11

Nu ḵaḵna madadailan da sanae losane banag, sa antataguyu pasig oḵyan ambaḻu ugaliyu ya naapudyusan

1 Corinthians 1:10

Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu.

Luke 1:75

Ta ambaḻu ugali taḵu ya unudon taḵu maun-unane antatagu we piniona inggana'ḵ matoy taḵu.”

2 Timothy 2:22

Pun adayuwam da pipion ni long-ag da babaḻu ta ipapuutnu we angwa si ummun-un ya amapigsa si pammatim. Ipapuutnu bose angayat atta udume tagu ya sa allin-awae maḵabuḻbuḻunam atta anḵodaw aḵ ḵadagu ḵan Apu we ampoḻḵas da somsomoḵda.

1 Thessalonians 5:15

Ilanyu bos ta sa lawweng, adi oḵyan masubbat os atte lawwenge maḵwa. Yaḵon pasig oḵyan ambaḻu da ḵoonyu'tta buḻunyu we namati ya da losane tagu.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

Philippians 3:12

Adiḵpun ḵanane ginangputḵu inawat da sana baḵon nu ḵanane ippun angkurangaḵ sinsana. Yaḵon iggaḵ losane ḵabooḻaḵ ta gun-udoḵ gunguna ta mituttuwa panggob Jesu Kristu si nambalinona saḵon aḵ taguna.

2 Corinthians 6:17

Pun ḵanan os Apudyus, “Tenanyu dida ya misina ḵayu ḵan dida. Ḵad adiyu tokkon da ngaimane mibelang aḵ ḵaissaw ta awatoḵ diḵayu.

1 Corinthians 13:12

Isuna ḵan ditaḵu we namati te sa antotollong taḵu ḵan Apudyus sinsana an-ugabbae isun di alladawan si an-ugabbae ladawan. Yaḵon sa umali ye timpu ilan taḵu we mismu. Sinsana aḵit igammu taḵu ḵan siya yaḵon sa umali ye timpu igammuwon taḵu losan mipanggob ḵan siyae isun ni nangigammuwana mipanggob ḵan ditaḵu.

Galatians 3:21

Piona ḵad ain ugudone misullagi lintog atta inkarin Apudyus? Naid! Adipun maḵwa! Adidapun misullagi, abus nansabali da panggob Apudyus we nangipaigammu ḵan dida. Te nu innatodna oḵyan lintoge maḵwae angitod si biyag aḵ inggana, maḵwa maun-unan da tagu gapu si anuttuwaanda'tte sadi ye lintog.

Hebrews 9:28

Isuna bos ḵan Kristu, namingpingsane indatunna long-agna ta ḵaanona da basuḻ da adu we tagu. Ḵad nu umali ḵasin, daḵampun aḵ gapu'tta basuḻ yaḵon taguwona da anguuway ḵan siya.