Hebrews 11:7 - Sa Ugud Apudyus

⁷ Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

Hebrews 11:7 Referans Kwoze

1 Peter 3:20

Da sanae ḵalidodwae nibabaḻud, ḵalidodwan da tagu we adipun tummuttuwa gapu si adidapun namatiyan ḵan Apudyus si timpun Noah si awe. Sa nangwaan Noah si bapur, inan-anusan Apudyus we nanguuway si amatiyan da tagu ḵan siya yaḵon adidapun tummuttuwa gapu si adidapun namatiyan, abuse waḻu we tagu da tinagun Apudyus si timpu we nalitapan ni lubung.

Romans 4:13

Sa awe, inkarin Apudyus ḵan Abraham ya da ganaḵnae allaḵsunda annae lubung. Yaḵon daḵampun aḵ gapu'tte nanuttuwaan Abraham si lintog nangibelangan Apudyus ḵan siya'ḵ naun-unan yaḵon gapu'tte pammatina.

Luke 17:26

“Sa ugalin da tagu si timpun ni mipauliyaḵe Abeng Di Tagu, isun ni ugalin da tagu si timpun Noah si awe.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

Galatians 5:5

Yaḵon ditaḵu ḵad, namnamaon taḵu we aḵ Apudyus angwa si maun-unan taḵu ya sa Ispiritu Santu bumadang ḵan ditaḵu we anguuway si mituttuwaana gapu'tte pammati taḵu.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

Romans 3:22

Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

Romans 1:17

Te gapu si Ambaḻu we Damag, impaigammun Apudyus inonae angwa'tta tagu'ḵ maun-unan gapu'tte tuttuwae pammatida ḵan siya. Te ḵanan ni nigili si Ugud Apudyus, “Sa tagu aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

Matthew 3:7

Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

2 Peter 3:6

Mipagapu'tta sana, nilitap Apudyus gagangaye lubung si danum woḵ naumbuḻ da tagu ya nadadail da losane matattagu si lubung.

2 Peter 2:5

Ḵad isuna bose adimpun Apudyus ḵinadaguwan da tagu si awe ye timpun Noah. Gapu ta ḵabasbassuḻanda, nilitapna lubung woḵ naaminda naumbuḻ. Yaḵon aḵ Noah we nangiwaḻagawag si naun-unane antatagu, tinagun Apudyus ya da pitu we ḵabaḻyanna.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

Hebrews 11:1

Ngai pammati nu? Sa pammati ḵad aaddi ye mituttuwa da namnamaon taḵu ḵad antaḻgod taḵu we awad da banage aditaḵupun ilan.

Romans 10:6

Yaḵon sa inon Apudyus we angwa'tte tagu'ḵ maun-unan gapu'tte pammatina, awad de nigili si Ugud Apudyus we amanoḵnoḵe daḵampun aḵ anḵamnut awad pammati ye ḵanana, “Adiyu ḵanan atta somsomoḵyu we ḵasapuḻane awad umoy ad langit.” Sa piona ḵanan an-osog aḵ Jesu Kristu sina'd luta.

Romans 4:11

Pun nasogyatan aḵ Abraham ta angipanoḵnoḵe imbelang Apudyus aḵ naun-unan gapu si pammatina si daannapun masogyatan. Pun nambalinon Apudyus aḵ aman da losane namati taḵon ay nu adidapun nasogyatan, mibelangda'ḵ naun-unan.

Matthew 24:38

Te sa sadi ye timpu'tte daan ni lubung malitapan, abus aḵ ḵooḵoonda anggangganas, angaangan ḵan uminuinum ya an-as-asawa inggana'tte nillumnoḵan da Noah si bapur.

Matthew 24:25

Pun ḵasapuḻane sosomḵonyu te inggallapuḵ binagbagaan diḵayu si daanna maḵwaan.

Romans 9:30

Ngai ibaga taḵu nu? Da Gentil we adidapun ginamgaman naun-unanda'tte sinagung Apudyus, naun-unanda gapu si pammatida ḵan Jesu Kristu.

Matthew 24:15

Pun pinagatupan Jesus woḵ ḵanana, “Ilanyu ḵaog-ogyate dumadaile sisiḵad atte nasantuwane lugar si templo we angaissawe impadtun Profeta Daniel atte awe. Maawatan oḵyan da ambasa.

Matthew 2:12

Pune sadi, impain-inop Apudyus ḵan dida woḵ binilinna dida ta adida ogon mipauli ḵan Ari Herod. Pun siya innoyda sabali ye daḻane mipauli'tte ilida.

Hebrews 8:5

Sa ḵewaaḻ da papadi ḵais-isu ḵan aniniwan ni awad ad langit si igaw Apudyus. Te annapune ḵoon oḵyan Moses tuldae andaydayawanda, binagbagaan Apudyus woḵ ḵanana, “Ḵasapuḻane ummam unudon da losan sigun si ḵais-isun ni impailaḵ ḵan siḵa'tte inninggawam si beleg.”

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?