Hebrews 10:23 - Sa Ugud Apudyus

²³ Popotpotan taḵu namnama taḵu we adi taḵu anduwaduwa te mataḻgodan aḵ Apudyus we angituttuwa'tta inkarina.

Hebrews 10:23 Referans Kwoze

1 Thessalonians 5:24

Sa namili ḵan ditaḵu mataḻgodan, ḵad aaddi ye ḵoona da imbagana.

1 Corinthians 1:9

Mataḻgodan aḵ Apudyus we namili ḵan diḵayu'ḵ maḵabuḻbuḻun atte Abengna we aḵ Jesu Kristu we Apu taḵu.

2 Thessalonians 3:3

Yaḵon ustu te aḵ Apu ḵad mataḻgodan, adinapun iwaḻange amapigsa ḵan anaḻaḵnib ḵan diḵayu'tte ḵoon Satan.

Hebrews 6:18

Inggan ni nankariyan Apudyus ya pinanoḵnoḵana si sapata, igammu taḵu we mituttuwa te adipun maḵwae maobos ya adipun antultulli'ḵ Apudyus. Pun ditaḵu we ummoy ḵan siya ta masaḻaḵniban taḵu, gattoḵe masoḻgag taḵu taḵon ay nu amo popotpotan taḵu namnamae innatodna ḵan ditaḵu.

Titus 1:2

Ḵooḵ da sadi ta namnamaonda biyag aḵ inggana. Aḵ Apudyus adipun paat antultulli, inkarina sadi ye biyag atte daan ni lubung maḵwaan.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

1 Corinthians 10:13

Naippun impadasyu'ḵ sulisug aḵ adin os da udume tagu impadas. Yaḵon aḵ Apudyus mataḻgodan te adinapun iyunude masulisug taḵu'tta aditaḵupun lamog maattoman. Yaḵon nu awad sulisug, siyae mismu angwa si inon taḵu we miligsi ta lamog taḵu maattoman.

Revelation 3:11

Madam-an timpu we umaliyaḵ. Pun ipapatiyu unudon tuttuwae tuttudu ta ippun osa'ḵ angaan atte gungunayu.

James 1:6

Yaḵon nu alluwaḻu ḵayu, ḵasapuḻane amati ḵayu ḵan adi ḵayu anduwaduwa te ngaimane anduwaduwa isuna tupiyaḵ atte baybaye ipappaulin ni bibbid.

Hebrews 11:11

Gapu si pammatin Sarah, inawatna ḵabooḻane naḵwae naganaḵ taḵon ay nu mummammad-an te imbelangnae mataḻgodan aḵ Apudyus we intuttuwana inkarina.

Hebrews 4:14

Pun gogomgoman taḵu pammati taḵu te aḵ Jesus we Abeng Apudyus siya maḵabooḻe ḵangatuwane padi taḵu we ummoy ḵan Apudyus ad langit.

Hebrews 3:14

Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

2 Corinthians 9:13

Pun gapu'tte sadi ye ḵoonyu we angitod, ipanoḵnoḵna ḵatuttuwaan ni pammatiyu ya paaduwonyu da tagu we angidayaw ḵan Apudyus gapu ta mailadae uunnudonyu Ambaḻu we Damag si mipanggob ḵan Kristu we ibagayu we patiyonyu. Ḵad tuttuwae anggappiyada ḵan Apudyus gapu si laayyu we angitod si ḵasapuḻan da losane namati.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.