Hebrews 10:14 - Sa Ugud Apudyus

¹⁴ Ḵad gapu'tte namingsane nangidatunan Apu Jesus si long-agna, nambalinona'ḵ maun-unan aḵ inggana da tagun Apudyus we pinapoḻḵasna.

Hebrews 10:14 Referans Kwoze

Hebrews 10:1

Sa Lintog ḵad Moses aniniwan da ambaḻu we banage dumatong, daḵampun aḵ tuttuwae ḵais-isun da annae ḵatuttuwaan. Pun taḵon ay tinawone pagapagatupan da andaydayaw ḵan Apudyus we angidatun si imbilin ni lintog, adipun maḵwae ambalin da tagu'ḵ ippun angkuranganda mipagapu'tta datun.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

Hebrews 2:11

Aḵ Jesus we namapoḻḵas atta basuḻ taḵu ya ditaḵu we pinapoḻḵasna, ossaan Ama taḵu we aḵ Apudyus. Ḵad sadi gapunae adimpun Jesus ibaine angawag ḵan ditaḵu'ḵ susunudna.

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

Hebrews 13:12

Ḵad isuna bos naḵwa ḵan Jesus we natoy atte lasin ni ili ta papoḻḵasona da tagu'tta basuḻda mipagapu'tte mismu we daḻana.

Hebrews 7:19

Sa sanae lintog Moses ippun ḵabooḻanae ambalinona da tagu'ḵ maun-unan. Pun sinsadi, naatod ḵan ditaḵu nabaḻu we namnamae maḵwae umadaniyan taḵu ḵan Apudyus.

Ephesians 5:26

ta itotoḵḵon ditaḵu we namati'ḵ taguna gapu ta pinapoḻḵasna ditaḵu'tte danum ya sa Ugud Apudyus.

Acts 20:32

“Sinsadi itaḻgodḵu diḵayu ḵan Apudyus ya sa ḵinabaḻuna. Siya maḵabooḻe amapigsa'tta pammatiyu ya angitod si impaḻaḵsunna'tta losane intotoḵḵonnae taguna.

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.

1 Corinthians 1:2

Ḵad annaya suḻatni ḵan diḵayu'tta magimugimunge namati ḵan Apudyus ad Corinth. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos.

Hebrews 9:10

Yaḵon da annae tuttudu abuse mipanggob atta maḵan, mainum ya da kalasin da inon taḵu we amapoḻḵas si long-ag. Losan atta anna ḵasapuḻane mituttuwada inggana'ḵ dumatong timpu we baliwan Apudyus da losan.

Acts 26:13

Inninggawaḵ ḵad si daḻan atte mamatuḵ Apu Ari, innilaḵ paddae naḻpu'd langite napadpadda nu sa init. Niliḵwosna saḵon ya da buḻunḵu,

Hebrews 10:10

Pun gapu ta nituttuwa pinion Apudyus, pummoḻḵas taḵu'tta basuḻ taḵu mipagapu si namingpingsane nangidatunan Jesu Kristu si long-agna.

Hebrews 10:12

Yaḵon aḵ Kristu, namingpingsane indatunna long-agna para'tta basuḻ taḵu'ḵ inggana. Nagangput ḵad, tummuḵdu si madawinan Apudyus.