Galatians 5:3 - Sa Ugud Apudyus

³ Ibagaḵ ḵasin ḵan diḵayu we nu awad ampasogyat, ḵasapuḻane tuttuwaona da losane lintog.

Galatians 5:3 Referans Kwoze

Galatians 3:10

Yaḵon losan atta antaḻgod si anuttuwaanda'tte lintog ta mibelangda'ḵ maun-unan, andagson dusada te awad de Ugud Apudyus we ḵanana, “Ngaimane adi patilayun anuttuwa'tta losane biline nigili si Lintog Apudyus, andagson dusana.”

Romans 2:25

Ditaḵu we Judyu, ampatog nasogyatan taḵu ta mipailae ditaḵu tagun Apudyus. Yaḵon nu adi taḵu tuttuwaon lintogna ya lisalison taḵu, naippun anun ni nasogyatan taḵu ḵad isu taḵu da adipun nasogyatan.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Matthew 23:18

Ḵad ḵananyu bose nu isapatana altar, daḵampun aḵ basuḻ nu lisalisona inkarina. Yaḵon nu isapatana nidatun si altar, ḵasapuḻane ituttuwana inkarina.

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.

1 Thessalonians 4:6

Ḵasapuḻane ippun oḵyan bumasuḻ ḵan diḵayu baḵon nu angallelaw si sunudna ḵan Kristu mipagapu'tte ḵaḵnae gunay te aaddi ye aḵ Apu bumaḻos atta ngaimane angwa'tte ḵatti. Sana da imbilibilinni ḵan diḵayu.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 2:40

Adu we ugud imbagbagan Peter ḵan dida woḵ ḵananae nandagdagu, “Iligsiyu long-agyu si annae lunap!”

Luke 16:28

ta bagbagaana da limae sunudḵu ta adida oḵyan os umali si annae igaw ni ummamdane ampaḵaḻaman.’

Matthew 23:16

“Ḵaddagu ḵayu! Iissuyu naḵuḻape tagu we angipuyut atta udum. Te ituttuduyu we nu ansapata osae tagu ya usarona templo aḵ anaḵdoḻ ḵan siya, daḵampun aḵ basuḻ nu lisalisona da inkarina. Yaḵon nu siya isapatana buḻawan si templo, ḵasapuḻane ituttuwana inkarina.

Acts 15:1

Pun inninggaw da laḻaḵi ye dummatong ad Antioch we naḻpu'tte probinsiya'd Judea we ummoy nantuttudu'tta susunud ḵan Kristu. Ḵananda, “Adiḵayupun matagu nu adi ḵayu pasogyat sigun si intuttudun Moses.”

Galatians 5:2

Andongoḻ ḵayu! Saḵon aḵ Paul. Ibagaḵ ḵan diḵayu we nu ampasogyat ḵayu, piona ugudone ippun anun Kristu ḵan diḵayu.

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.