Galatians 4:4 - Sa Ugud Apudyus

⁴ Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.

Galatians 4:4 Referans Kwoze

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

Mark 1:15

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

Matthew 1:23

“Baag-en, mabugi babaḻasange ippun natnattoḵana. Umanaḵ aḵ laḻaḵi ḵad mangadanan aḵ Emmanuel.” Sa piona ugudon, “Anna ḵan ditaḵu'ḵ Apudyus.”

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.

Ephesians 1:10

Annaya planuna: Nu magangput losan da ḵasapuḻane maḵwa ya dumatong ustu we timpu, uḻnusona da losane anna'd langit ya sina'd luta ya paipangatna dida ḵan Kristu.

Luke 2:7

Gapu ta naippun maigawan te napnu da boboḻoy atta tagu, ummoyda'tte iiddungan da baḵa. Pune sadi, nibuḵnag panguḻu we abengnae laḻaḵi. Pun ḵinagoyana woḵ pinaobogna'tte ḵaḵaḵḵanan da baḵa.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

John 6:38

Te daḵampun aḵ ummaliyaḵe naḻpu'd langit ta ḵooḵ da pinioḵ yaḵon ummaliyaḵ ta ḵooḵ da pinion ni nangibuun ḵan saḵon.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

John 10:36

Ngaipayu ḵanan ḵan saḵone intotoḵḵon ni Ama ya imbuunna si annae lubung, ‘Nan-ugud ḵayu'ḵ lawweng ḵan Apudyus,’ te sa imbagaḵ, ‘Saḵon Abeng Apudyus’?

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

Romans 15:8

Te ibagaḵ ḵan diḵayu we nambalin aḵ Kristu aḵ sammilu we anserbi'tta Judyu ta ipailana ḵinatuttuwaan Apudyus ta mapanoḵnoḵan da inkarina'tta danaḵḵoḻda.

Acts 1:7

Ḵanan Jesus we summongbat ḵan dida, “Daḵampun aḵ ḵasapuḻane igammuwonyu timpu te abus aḵ Amaḵ we Apudyus aḵ angiḵoddong mipagapu si ḵaḻabbongana nu ngai maḵwa si umali ye aḻgaw.

Luke 1:31

Sa maḵwa, mabugiḵa ya umanaḵḵa'ḵ laḻaḵi. Ḵad ngadanam oḵyan aḵ Jesus.

Matthew 3:15

Yaḵon ḵanan Jesus we summongbat, “Ḵoom sinsadi te ustu nu ḵoon taḵu anna ta ituttuwa taḵu da losane pinion Apudyus.” Pun binonyagan John.

1 John 4:2

Annaya angimatunanyu nu awad de Ispiritu Santu ḵan dida. Da losane tagu we bigbigondae aḵ Jesu Kristu nambalin tagu, aḵ Apudyus naḻpuwan da ibagabagada.

Hebrews 9:10

Yaḵon da annae tuttudu abuse mipanggob atta maḵan, mainum ya da kalasin da inon taḵu we amapoḻḵas si long-ag. Losan atta anna ḵasapuḻane mituttuwada inggana'ḵ dumatong timpu we baliwan Apudyus da losan.

Colossians 2:14

Ḵaḵna ḵingwan Apudyus. Ḵinaanna listaan da basuḻ taḵu gapu'tte nilisalis taḵu bilin Moses woḵ impattoḻna'tte kros. Sa piona ḵanan, mipagapu'tte natoyan Jesus atte kros, ḵinaanna da basuḻ taḵu. Pun naippun ogon lasunnae anusa ḵan ditaḵu.

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

Matthew 5:17

Pune sadi ḵanan Jesus, “Adiyu sosomḵone ummaliyaḵ ta iyyaḵ waswason da lintog Moses ya da inggilin da profeta yaḵon ummaliyaḵ ta ituttuwaḵ da imbagada.

Romans 5:6

Sissiyae ippun ḵabooḻan taḵu we angwa si pinion Apudyus, natoy aḵ Kristu atte ustu we timpu para'tta ḵabasbassuḻan.

1 Timothy 2:6

Siya nangitod si biyagna ta masubut da losane tagu atta madusaan da basuḻda. Naḵwa sadi si ustu we timpu we dinutuḵan Apudyus ya sadi nangipail-anae pionae matagu da losane tagu.

Luke 20:44

Pun nu ḵanan Ari David we aḵ Kristu Apuna, ngai inonae ganaḵna bos nu?”