Galatians 2:7 - Sa Ugud Apudyus

⁷ Inniladae innatod Apudyus ḵan saḵon biyange angiwaḻagawag si Ambaḻu we Damag atta Gentil we isuna bos si nangittana ḵan Peter si biyange angiwaḻagawag atte Ambaḻu we Damag atta Judyu.

Galatians 2:7 Referans Kwoze

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

1 Timothy 2:7

Sana bos gapunae saḵon dinutuḵana'ḵ angiwaḻagawag atte Ambaḻu we Damag ḵan an-apostol ta iyyaḵ ituttudu'tta Gentil tuttuwae pammati. Tuttuwa da anna.

1 Thessalonians 2:4

Yaḵon pinanoḵnoḵan Apudyus woḵ intaḻgodna ḵan diḵani angiwaḻagawag atte Ambaḻu we Damag woḵ siya ḵingwani. Ḵad daḵampun atta tagu pappadasonni pas-oman yaḵon aḵ Apudyus we angigammu nu ngai awad atte somsomoḵni.

Galatians 1:16

Pun impailana ḵan saḵon abengna ta iwaḻagawagḵu mipanggob ḵan siya'tta Gentil. Naippun tagu'ḵ ummoyḵu nampatuttuduwan.

2 Timothy 1:11

Dinutuḵan Apudyus saḵon aḵ apostol ta iyyaḵ iwaḻagawag ḵan ituttudu annae Ambaḻu we Damag,

1 Timothy 1:11

Sa ḵatuttuwaane intuttuduḵ, mibatay si Ambaḻu we Damag we intaḻgod ni ḵangatuwan ḵan madaydayawe Apudyus ḵan saḵon.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

2 Peter 3:15

Sosomḵonyu we sa gapunae naanus Apu taḵu, pionae awad wayan da tagu ta taguwona dida. Sadi da insuḻat Paul we ay-ayaton taḵu we sunud taḵu ḵan Kristu ḵan diḵayu sigun si lainge innatod Apudyus ḵan siya.

1 Corinthians 9:17

Te nu saḵon namili si annae ḵewaaḻḵu, awad de ḵaḻabbongaḵe matangdanan. Yaḵon gapu ta intaḻgod Apudyus ḵan saḵon, ḵooḵ da piona paḵwa taḵon ay nu ippun tangdanḵu.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

Acts 18:6

Yaḵon sinullagin ḵad da Judyu ḵan nan-uguugudanda'ḵ lawweng, iwwagwagna gabu si silupna ta angigammuwandae ḵigadda si madusaanda. Ḵanana, “Nu dusaon Apudyus diḵayu, sa long-agyu amuyuwanyu! Daḵampun aḵ basuḻḵu. Ḵad misaḻad sinsadi, iyyaḵ tuttuduwan da Gentil.”

Acts 15:12

Pun gummiginnoḵ da losane naamung woḵ nandodongngoḻda'tta imbagan da Barnabas ḵan Paul mipanggob atta sinyal ḵan nakaskasdaawe ḵingwan Apudyus atta Gentil mipagapu ḵan dida.

Romans 11:13

Sinsadi awad de ibagaḵ ḵan diḵayu we Gentil. Gapu ta dinutuḵan Apudyus saḵon aḵ an-apostolna'tta Gentil, ipatpatogḵu annae ḵewaaḻe nitaḻgod ḵan saḵon

Romans 1:5

Mipagapu ḵan Jesu Kristu, impailan Apudyus ḵinabaḻuna ḵan saḵon woḵ nambalinaḵ aḵ apostol ta awisoḵ da tagu'tta losane ili ta tumuttuwada gapu si amatiyanda ḵan Jesus.

Galatians 1:6

Nataagaḵ si daguse nan-awidanyu'ḵ Apudyus we namili ḵan diḵayu mipagapu si ḵinabaḻun Kristu ḵad siya unudonyu sabali ye tuttudu we ḵanan da udume ambaḻu we damag.

Galatians 1:18

Naḻaḵpus ḵad de tuḻun tawon, ummoyḵu binisita'ḵ Cephas ad Jerusalem woḵ inninggawaḵ ḵan siya'ḵ nasawaḻan aḵ limae aḻgaw.

Galatians 2:11

Yaḵon ummali ḵad aḵ Peter ad Antioch, sinuppaḵaḵ atte sinagung da adu we tagu te nalawage daḵampun aḵ ustu ḵingwana.

Galatians 2:14

Yaḵon innilaḵ sumullagi si ḵatuttuwaan ni Ambaḻu we Damag we ḵoonda, ḵanaḵ ḵan Peter si sinagung da losan, “Taḵon ay nu Judyuḵa, nalligligammuḵa si udume ugalin da Judyu we isun di daḵanḵapun aḵ Judyu. Ḵad nu ḵingwam ḵatti, ngaipam os ay ipatut paunud atta Gentil ugali taḵu?”