Galatians 2:1 - Sa Ugud Apudyus

¹ Naḻaḵpus ḵad nasawaḻan aḵ opate tawon, ummoyaḵ ḵasin ad Jerusalem we buḻunku'ḵ Barnabas. Innawitni bos aḵ Titus.

Galatians 2:1 Referans Kwoze

Galatians 2:3

Taḵon ay aḵ Titus we buḻunḵu we Gentil, adidapun impatute ampasogyat.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

Colossians 4:10

Aḵ Aristarchus we buḻunḵu we baḻud ya aḵ Mark we ḵapingsan Barnabas, pakumustaonda diḵayu. Inawatyu bilin atte mipanggob ḵan Mark, ḵad nu umali bumisita, mangiliyonyu we ustu.

Galatians 2:13

Ḵad da udume namati ye Judyu, inunudda bos ḵingwan Peter taḵon ay nu losanda inigammu we daḵampun aḵ ustu ḵoonda. Taḵon ay aḵ Barnabas, naawis woḵ unudona dida.

Galatians 1:18

Naḻaḵpus ḵad de tuḻun tawon, ummoyḵu binisita'ḵ Cephas ad Jerusalem woḵ inninggawaḵ ḵan siya'ḵ nasawaḻan aḵ limae aḻgaw.

2 Corinthians 8:23

Aḵ Titus, siya buḻunḵu ḵan bumadang ḵan saḵone anserbi ḵan diḵayu. Ḵad da annae susunud taḵu ḵan Kristu we mitun-ud ḵan siya, dida nibuune angitaḵdoḻ atta gimung da namati. Ḵad gapu ḵan dida, madayaw ḵinangatun Kristu.

2 Corinthians 8:16

Nanggappiyaaḵ ḵan Apudyus we nangitod ḵan Titus atte ayatnae bumadang ḵan diḵayu we isun ni ayatḵu we bumadang ḵan diḵayu.

1 Corinthians 9:6

Diḵani ḵamman ḵan Barnabas abus aḵ ḵasapuḻane anḵewaaḻe ippun ḵaḻabbonganni ye maittan aḵ iḵataguni?

Acts 15:25

Pun nammiting ḵani woḵ nan-uunudanni ye pumili ḵani'ḵ ibuunni ḵan diḵayu'ḵ mibuḻun ḵan da Paul ḵan Barnabas we ay-ayatonni,

Acts 14:12

Pun nginadananda dida'tta ngadan da apudyusda. Ingngadanda Zeus ḵan Barnabas woḵ ingngadanda Hermes ḵan Paul te siya pangngugudan.

Acts 13:50

Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 13:2

Sin-aḻgawan ḵad atte nandaydayawanda ḵan Apudyus ya sa nallaunanda, ḵanan ni Ispiritu Santu ḵan dida, “Dutuḵanyu da Barnabas ḵan Saul. Dida piniliḵ aḵ angwa'tta ḵewaaḻ te siya nangayagaḵ ḵan dida.”

Acts 12:25

Ginangput ḵad da Barnabas ḵan Saul ḵewaaḻda'd Jerusalem, nipaulida'd Antioch. Innawitda'ḵ John Mark.

Acts 11:30

Ḵingwada ḵad, indagasda ḵan da Barnabas ḵan Saul ta ittonda'tta angipangpangu'tta namati'd Jerusalem.

Acts 11:25

Pun ummoy aḵ Barnabas ad Tarsus ta singtona'ḵ Saul.

2 Corinthians 2:13

Yaḵon taḵon ay nu ḵatti ye naatod gundaway ḵan saḵon, amod de binsawḵu te naippun indasaḵ ḵan sunud taḵu we Titus sidi. Pun siya nampaḵadaaḵ atta susunud taḵu ḵan Kristu woḵ iyyaḵ ad Macedonia.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.