Ephesians 4:6 - Sa Ugud Apudyus

⁶ Os-ossaan os Apudyus we losan taḵu Ama. Siya angipangat ḵan ditaḵu losan, anḵewaaḻ mipagapu ḵan ditaḵu losan ta mituttuwa da piniona ya iinggaw ḵan ditaḵu losan.

Ephesians 4:6 Referans Kwoze

Romans 11:36

Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.

1 Corinthians 8:6

Yaḵon ḵan ditaḵu, ossaan Apudyus we Ama taḵu. Siya nangwa'tta losane banag ya siya gapun ni mataguwan taḵu. Ossaan Apu we siya'ḵ Jesu Kristu. Naḵwa da losane banag mipagapu ḵan siya ya matagu taḵu mipagapu ḵan siya.

John 20:17

Ḵanan Jesus, “Adim yan onnan saḵon te daanaḵpun mipauli ḵan Amaḵ. Yaḵon inḵa'tta susunudḵu we namati ya ibagam ḵan didae mipauliyaḵ ḵan Amaḵ we Amayu ya Apudyusḵu we Apudyusyu.”

1 John 3:24

Da losane anuttuwa'tta bilin Apudyus, iinggawda ḵan Apudyus ya iinggaw os aḵ Apudyus ḵan dida. Ḵad sa angigammuwan taḵu we iinggaw aḵ Apudyus ḵan ditaḵu, sa Ispiritu Santu we innatodna ḵan ditaḵu.

Matthew 6:9

Ḵaḵna inonyu we alluwaḻu. “ ‘Amani ye awad ad langit, madayawḵa oḵyane nasantuwane Apudyus.

2 Corinthians 6:16

Ḵad maḵwa ḵamman antitimpuyug da templon Apudyus atta sinan-apudyus? Ditaḵu templo we boḻoy Apudyus we iinggawan ni matattagu we Apudyus. Te ḵanan Apudyus, “Iyyaḵ inggaw atta tagu ya iinggawaḵ ḵan dida ya saḵon Apudyusda ya dida da taguḵ.”

1 Corinthians 12:6

Ḵad nansabasabali ḵewaaḻe innatod Apudyus ḵan ditaḵu yaḵon ossaan aḵ Apudyus we nangitod si ḵabooḻan ni sin-ossaossa ḵan ditaḵu.

Ephesians 6:23

Susunudḵu ḵan Kristu, itton oḵyan Apudyus we Ama ya aḵ Apu Jesu Kristu ḵan diḵayu lin-awa ḵan ayate midoga pammati.

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

John 17:26

Impaigammuḵ ḵan dida ḵabooḻam ya pagatupaḵe angipaigammu ḵan siḵa ta sa ayatnu ḵan saḵon awad ḵan dida ya awadaḵ ḵan dida.”

John 14:23

Ḵanan Jesus we summongbat, “Sa angayat ḵan saḵon tuttuwaona ugudḵu ya ayaton Amaḵ. Ḵad saḵon ya aḵ Amaḵ umali ḵani ya iinggaw ḵani ḵan siya.

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Ephesians 1:21

Sidi ampangatana sinsana ḵad nangatngatu'ḵ adayu ḵabooḻana nu da anna ḵaḻabbonganda ḵan ḵabooḻanda ya da ngadan da ngaimane pangat si annae lubung ya da losane adipun maila'd langite awad de ampangatanda. Naippun paat nangatngatu nu siya sinsana ya sa umali ye timpu.