Ephesians 4:3 - Sa Ugud Apudyus

³ Ipapatiyu an-ossaanon ansosomsomoḵyu we maḻpu'tte Ispiritu Santu mipagapu si pagapagatupanyu allin-awae maḵabuḻbuḻunanyu.

Ephesians 4:3 Referans Kwoze

1 Corinthians 1:10

Susunudḵu ḵan Kristu, gapu'tte ngadan Apu taḵu we Jesu Kristu, an-uunud oḵyan da losane ugudonyu ya adi ḵayu magoggogwa yaḵon an-os-ossaanonyu somsomoḵyu ya sa panggobyu.

Hebrews 12:14

Pangganyu allin-awae maḵabuḻbuḻunanyu'tta losane tagu ya mitotoḵḵon ḵayu'ḵ taguna ta bumaḻu ugaliyu te nu adi tagu ḵaḵnat adinapun ilan aḵ Apu.

John 13:34

Ittoḵ ḵan diḵayu baru we bilin. Ḵasapuḻane an-asiayat ḵayu we isun ni an-aayatḵu ḵan diḵayu.

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

1 Thessalonians 5:13

Ḵasapuḻane patganyu dida ḵad ipailayu ayatyu gapu'tte ḵewaaḻda ya awad oḵyan atte sin-ossaossa ḵan diḵayu lin-awa.

Ephesians 4:4

Losan taḵu we niyossaan ḵan Kristu, isu taḵun os-ossaane long-ag ya ossaane Ispiritu. Os-ossaan os namnama taḵu gapu si namiliyan Apudyus ḵan ditaḵu.

Ephesians 4:13

inggana'ḵ an-ossaan pammati taḵu ya madog-an an-aawat taḵu ḵan ambubuḻunan taḵu ḵan Kristu we Abeng Apudyus. Ḵad ambalin taḵu'ḵ naangsan si pammati ya sa ugali taḵu miyisu si ḵabaḻun ni ugalin Kristu we naippun nangkurangana.

Mark 3:24

Nu awad umili'ḵ ampapatoy, madadail ilida.