Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.
Nu siya abus aḵ sosomḵon ni tagu da pion ni long-agna, ambanag atte matoyana. Yaḵon nu siya isisimoḵna mipanggob atte Ispiritu Santu, matagu ḵan malin-awaan aḵ inggana.
Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.
tinaguna ditaḵu. Daḵampun aḵ gapu'tta naun-unane ḵingwa taḵu nataguwan taḵu, nu adi gapu si ḵummadaguwana. Tinaguna ditaḵu'tte namapoḻḵasana'tta basuḻ taḵu ḵad isun di niyanaḵ taḵu ḵasin ya naittan taḵu'ḵ baru we biyag gapu'tte ḵabooḻan ni Ispiritu Santu.
Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.
Pun sa nabonyagan taḵu, nidoga taḵu ḵan Jesu Kristu si natoyana ya nilibonana ta matagu taḵu'tte baru we antatagu we isun ni ummuliyan Jesu Kristu mipagapu'tte nakaskasdaawe ḵabooḻan Apudyus.
