Ephesians 4:11 - Sa Ugud Apudyus

¹¹ Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Ephesians 4:11 Referans Kwoze

Ephesians 2:20

Pun maḵwae mipani ḵayu'tte partin ni templo we boḻoy Apudyus we taḵadona. Da apostol ya da profeta we an-uuggudon Apudyus mipanidae nisaadan ni sanae templo ya aḵ Apu Jesu Kristu ḵapatogane batu'tte sanae nisaadana.

2 Timothy 4:5

Yaḵon ḵan siḵa, ḵasapuḻane tupudom long-agnu. Attomam da ampaḵaḻamam. Iggaiggame angiwaḻagawag atte Ambaḻu we Damag ya ummam ḵoon da ḵewaaḻ ni anserbi ḵan Apudyus we sa intaḻgodna ḵan siḵa.

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Ephesians 4:8

Annaya impaigilin Apudyus si mipanggob ḵan Kristu we ḵanana, “Nipangatu ḵad ad langit, intallayna da aduadu we baḻud ya innatodna da ḵabooḻan atta taguna.”

Ephesians 3:5

Naippun nangigammu si anna'tte awe yaḵon sinsana, impaigammun ni Ispiritu Santu ḵan diḵani ye apostol ya da profetanae pinilina'ḵ anserbi ḵan siya.

Romans 12:7

Ḵad da naittan aḵ ḵabooḻane anserbi'tta udum, anserbida oḵyan. Ḵad da naittan aḵ ḵabooḻane angituttudu si ḵatuttuwaan, antuttududa oḵyan.

Hebrews 5:12

Nabayage namati ḵayu ya labbongyu oḵyane antuttudu'tta udum yaḵon inggana sinsadi ḵasapuḻanyu bos ḵasin angituttudu ḵan diḵayu si ummunae tuttudu mipanggob si Ugud Apudyus. Isuyu da abenge ḵasapuḻan da gatas ya adidapun lamog ḵanon anḵosdoḻ.

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”

Acts 21:8

Mabigatpun tinenanni'd Ptolemais woḵ ummoy ḵani'd Caesarea. Inninggaw ḵani sidi si boḻoy Philip we osa'tta angiwaḻagawag si Ambaḻu we Damag. Siya osa'tta pitu we nadutuḵan ad Jerusalem we bumadang atta apostol.

Acts 13:1

Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

Revelation 21:14

Sa pon-ad ḵad ni ḵabitin ni sadi ye siyudad, inggaw da nasawaḻan aḵ duwae danadanaḵḵoḻe batu ḵad sa sin-ossae batu nasin-ossa nigili ngadan da nasawaḻan aḵ duwae apostol ni Ubbu we Karnero.

Jude 1:17

Yaḵon ḵan diḵayu we ay-ayatoḵe buḻbuḻun, ḵasapuḻane adiyu maliwatan da imbagan da apostol Jesu Kristu we Apu taḵu.

1 Corinthians 12:4

Sinsadi awad da nansabasabali ye ḵabooḻane naatod ḵan ditaḵu yaḵon ossaan naḻpuwandae sa Ispiritu Santu.