Ephesians 3:18 - Sa Ugud Apudyus

¹⁸ ta diḵayu ya da losane tagun Apudyus, maḵwae maawatanyu ḵaaḻwa ḵan ḵaandu ya ḵangatu ḵan ḵaadaḻom ni ayat Kristu ḵan ditaḵu we namati.

Ephesians 3:18 Referans Kwoze

John 15:13

Sa ḵadaḵoḻane ayat ni tagu, ittona long-agna'ḵ matoy gapu'tta buḻbuḻunna.

Ephesians 3:19

Taḵon ay nu ansigab aḵ maawatane ustu sanae ḵinabaḻun ni ayat Kristu, iluwaḻuḵe madog-adog-an oḵyan igammuyu inggana'ḵ miyisu da ugaliyu'tte ugalin Apudyus we naippun kurangna.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Ephesians 1:15

Gapu'tte sadi, inggan ni dingngoḻḵu pammatiyu ḵan Apu Jesus ya sa ayatyu'tta losane dogayu we tagun Apudyus,

Revelation 3:21

Da tagu we angngog si lawweng, ittaḵ dida'ḵ ḵaḻabbongane maḵatuḵdu ḵan saḵone ampangate isun ni nangngogaḵ ḵan Satan woḵ naḵatuḵduwaḵ ḵan Amaḵ atte tronona.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

Ephesians 1:10

Annaya planuna: Nu magangput losan da ḵasapuḻane maḵwa ya dumatong ustu we timpu, uḻnusona da losane anna'd langit ya sina'd luta ya paipangatna dida ḵan Kristu.

Colossians 1:4

te dingngoḻni mipanggob atte pammatiyu ḵan Jesu Kristu ya sa ayatyu'tta losane tagun Apudyus.

Romans 10:3

Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

2 Corinthians 13:13

Losan da tagun Apudyus sina pakumustaonda diḵayu.