Colossians 4:18 - Sa Ugud Apudyus

¹⁸ Saḵon aḵ Paul we nangigili ye mismu si annae anungus ni annae suḻat. Kumusta ḵayu ya adiyu ḵappos saḵon maliwatane annaaḵ si babaḻḻudan. Awad oḵyan ḵan diḵayu ḵinabaḻu we maḻpu ḵan Apudyus.

Colossians 4:18 Referans Kwoze

Hebrews 13:3

Iḵagasmoḵyu da awad si babaḻḻudane isun di nidoga ḵayu ḵan dida ya da mapaḵaḻame isun di midoga ḵayu ampaḵaḻam ḵan dida.

2 Timothy 4:22

Pasig oḵyan awad aḵ Apu ḵan siḵa ya awad oḵyan ḵan diḵayu ḵinabaḻu we maḻpu ḵan Apudyus.

1 Timothy 6:21

Te awad da udume tagu we nangunud atte sadi yaḵon niḵawasda'tte ḵatuttuwaane patiyon taḵu. Awad oḵyan ḵan diḵayu ḵinabaḻun Apudyus.

1 Corinthians 16:21

Saḵon aḵ Paul we nangigili'tte annae gangput ni suḻatḵu, “Kumusta ḵayu.”

Hebrews 13:25

Awad oḵyan ḵan diḵayu losan ḵinabaḻu we maḻpu ḵan Apudyus.

Titus 3:15

Pakumustaon da losane buḻunḵu siḵa sina. Pakumustaom os sidi da angayat ḵan diḵani gapu si pammati taḵu. Awad oḵyan ḵan diḵayu losan ḵinabaḻu we maḻpu ḵan Apudyus.

2 Timothy 1:8

Pun adiḵa mabaine angipanoḵnoḵ si mipanggob ḵan Apu. Adiḵa bos mabain gapu ḵan saḵone nibaḻud gapu'tte nanserbiyaḵ ḵan siya yaḵon anusam attoman ampaḵaḻamam gapu si angiwaḻagawagan taḵu'tte Ambaḻu we Damag. Attomam te papigsaon Apudyus siḵa.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

2 Thessalonians 3:17

Saḵon aḵ Paul we nangigili'tte anungus ni annae suḻate impaigiliḵ. Ḵingwaḵ atta losane suḻatḵu ta maigammu we tuttuwae naḻpu ḵan saḵon te lamogyu imatunan sinyal ḵan inoḵe anggili.

Colossians 4:3

Iluwaḻuwanyu bos diḵani ta itton Apudyus ambaḻu we timpu si angiwaḻagawaganni'tte banage adipun nipaigammu si awe mipanggob ḵan Kristu te sana gapun ni nabaḻudaḵ.

2 Corinthians 13:14

Awad oḵyan ḵan diḵayu losan ḵinabaḻu we maḻpu ḵan Apu Jesu Kristu ya sa ayat Apudyus ya sa niyossaanan ni Ispiritu Santu.

Romans 16:23

Aḵ Gaius we niḵamboḻoyaḵ, pakumustaona diḵayu. Sa boḻoyna dam-on da namati ye magimugimung andaydayawan. Ḵad aḵ Erastus we treasurer ni annae siyudad ya aḵ Quartus we sunud taḵu pakumustaonda diḵayu.

Romans 16:20

Adipun manunnuwan ya aḵ Apudyus we maḻpuwan ni lin-awa oḻgona'ḵ Satan we isun di gusgusdan taḵu. Awad oḵyan ḵan diḵayu ḵinabaḻu we maḻpu ḵan Apu Jesu Kristu.

Romans 16:22

Saḵon aḵ Tertius we nangigili si annae suḻat, pakumustaoḵ diḵayu we amati ḵan Apu Jesus.