Colossians 4:17 - Sa Ugud Apudyus

¹⁷ Ibagayu ḵappos ḵan Archippus ta igangputna ḵewaaḻe intaḻgod Apu ḵan siya.

Colossians 4:17 Referans Kwoze

Philemon 1:2

Ipaoyni bos atta namati ye magimugimung si boḻoyyu, isun da Apphia we bubai ye buḻunni ya aḵ Archippus we angitaḵdoḻ atte Ambaḻu we Damag atta sumullagi.

Acts 1:17

Aḵ Judas buḻunni te siya osae dinutuḵan Jesus we maḵaserbi ḵan diḵani ye apostol.”

2 Timothy 2:2

Ḵad da losane dingngoḻnu we intuttuduḵ ḵan siḵa'tta sinagung da adu we tagu, itaḻgodnu'tta mataḻgodane ḵallabbong os angituttudu'tta udum.

2 Timothy 1:6

Pun siya gapunae paiḵagasmoḵḵu ḵan siḵa ta usarom ḵabooḻame innatod Apudyus si nangipatayaḵ atte imaḵe nangiluwaḻu ḵan siḵa.

1 Timothy 6:20

Ḵan siḵa Timothy, ayyuwanam da intaḻgod Apudyus ḵan siḵa. Adayuwam da ug-uggude daḵampun aḵ mipanggob atte tuttuwae Apudyus ya da misullagi ye tuttudu we ngannonda laing yaḵon niḵawasda'tte ḵatuttuwaan.

1 Timothy 4:16

Ummam antatagum ya sa ituttudum. Pagatupam ḵoon da anna ta taguwom long-agnu ya da andongoḻ ḵan siḵa.

1 Timothy 4:6

Nu ituttudum da annae bilin atta susunud ḵan Kristu sinat, ambaḻuḵae anserbi ḵan Jesu Kristu. Ḵad ipailame amo naawatam ḵatuttuwaan mipanggob si pammati ya sa ambaḻu we tuttudu we inunudnu.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 14:23

Ginangputda ḵad dinutuḵan da angipangpangu'tta losane gimung da namati, nalluwaḻuda ya nallaunda woḵ intaḻgodda dida ḵan Apu we pinatida ta ayyuwanana dida.

1 Timothy 4:14

Adim baybay-an ḵabooḻame innatod ni Ispiritu Santu atte nangipatayan da angipangpangu'tta namati'tta imadae nangiluwaḻu ḵan siḵa ya sa nangibag-an da profeta we an-uuggudon Apudyus mipanggob atte ḵabooḻam.

Matthew 25:17

Siya bos ḵingwan ni ḵumagwae nitaḻgodan ni duwallibu we palata, pun naḵagalansiya bos aḵ duwallibu we palata.