Colossians 3:22 - Sa Ugud Apudyus

²² Diḵayu ḵad ose musassu, tuttuwaonyu da losane ibagan da ap-apuwonyu sina'd luta. Daḵampun aḵ abus angitotollonganda ḵan diḵayu'ḵ angwaanyu'tte ḵewaaḻyu ta mas-omda ḵan diḵayu. Yaḵon maḻpu pagay oḵyan atte somsomoḵyu da ḵoonyu we anuttuwa ḵan dida te isipogyu'ḵ Apu.

Colossians 3:22 Referans Kwoze

Galatians 1:10

Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.

1 Thessalonians 2:4

Yaḵon pinanoḵnoḵan Apudyus woḵ intaḻgodna ḵan diḵani angiwaḻagawag atte Ambaḻu we Damag woḵ siya ḵingwani. Ḵad daḵampun atta tagu pappadasonni pas-oman yaḵon aḵ Apudyus we angigammu nu ngai awad atte somsomoḵni.

Colossians 3:20

Diḵayu ḵade aabeng, ḵasapuḻane pasigyu tuttuwaon da amayu ḵan inayu te sana mas-oman Apu.

Luke 6:46

“Ngaipayu ḵamman ngannon saḵon ‘Apu, Apu,’ ya adiyupun tuttuwaon da ibagaḵ?

Philemon 1:16

Yaḵon inggana sinsadi, daḵampun ogon aḵ musassu lawa, nu adi amo napatpatog nu sa musassu. Siya ampatoge sunud ḵan Apu Jesus. Amo ampatog ḵan saḵon! Ḵad amo dallu we napatpatog ḵan siḵa sinsadi ye musassum ḵan sunudnu ḵan Apu.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

Acts 2:46

Inaḻgawe andatdatongda ya an-os-ossaandae andayaw atte templo we boḻoy Apudyus. Ḵad sillalaylayaddae anḵaḵaḵan atte tinapay atta boḻoyda ya sipupusu layadda.

Luke 7:8

Te taḵon ay saḵon, awad de nangatngatu ḵaḻabbonganae angipangat ḵan saḵon ya awad os da suḻdadu we ipangataḵ. Ḵad nu ḵanaḵ si osa, ‘Inḵa,’ umoy, ya nu ḵanaḵ os si osa, ‘Awwaynu,’ umali. Ḵad nu ḵanaḵ atte sammiluḵ, ‘Ḵoom anna,’ ḵoona.”

Matthew 8:9

Te taḵon ay saḵon, awad de nangatngatu ḵaḻabbonganae angipangat ḵan saḵon ya awad os da suḻdadu we ipangataḵ. Ḵad nu ḵanaḵ si osa, ‘Inḵa,’ umoy ya nu ḵanaḵ os si osa, ‘Awwaynu,’ umali. Ḵad nu ḵanaḵ os atte sammiluḵ, ‘Ḵoom anna,’ ḵoona.”

Matthew 6:22

Pinagatupan Jesus woḵ ḵanana, “Sa ata silaw ni long-ag. Nu ambaḻu da atam, ampadda losane long-agnu.