Acts 9:32 - Sa Ugud Apudyus

³² Aḵ Peter ḵad, ummoyna binisita da tagun Apudyus atta ḵinailin di ili. Pun dummatong ḵad ad Lydda,

Acts 9:32 Referans Kwoze

Acts 9:13

Yaḵon summongbat aḵ Ananias woḵ ḵanana, “Apu, adu da nangngoḻaḵ si mipanggob atte annae tagu ya adu da ḵingwana'tta tagum ad Jerusalem.

Acts 8:25

Ginangput pun da Peter ḵan John tinaḵdoḻan ḵan iwwaḻagawag ugud Apu, nipaulida'd Jerusalem woḵ iwwaḻagawagda Ambaḻu we Damag atta adu we ili'd Samaria we innoyda.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Romans 1:7

Pun anuḻataḵ ḵan diḵayu we annat ad Rome we inay-ayat Apudyus ḵan pinilina'ḵ taguna. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we Apu taḵu.

Acts 26:10

Pun sadi dam-oḵ ḵingwa'd Jerusalem. Adu da tagun Apudyus we imbaḻudḵu si nangittan da papangat da papadi si ḵaḻabbongan ḵan saḵon. Ḵad nu ḵoddonganda osae tagu'ḵ matoy, iyyunudḵu matoyana.

Acts 9:41

Innonnan Peter imana woḵ pinataḵdogna. Pun inayagana da sadi ye baḻu ya da udume tagun Apudyus woḵ impailana ḵan dida'ḵ Dorcas we natagu.

Acts 8:14

Dingngoḻ ḵad da apostol ad Jerusalem we pinatin da iSamaria Ugud Apudyus, imbuunda da Peter ḵan John ḵan dida.

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Matthew 27:52

Da libon os nabuḵtanda. Pun ummuli da nanḵaḵatoy we tagun Apudyus.

Acts 9:33

indasana laḻaḵi ye nangngadan aḵ Aeneas we innuumbog si waḻun tawon te naparalaes.