Acts 8:31 - Sa Ugud Apudyus

³¹ Ḵanan ni opisyal, “Naid umpay! Ngai inonae maawataḵ nu ippun angipaḵaawat?” Pun inayagana'ḵ Philip atte kalesa.

Acts 8:31 Referans Kwoze

Romans 10:14

Yaḵon ngai inon da tagu we anḵodaw aḵ ḵadagu ḵan Apu nu adida amati ḵan siya? Ḵad ngai inondae amati nu adidapun dingngoḻ? Ḵad ngai inonda bose andongoḻ nu naippun umoy angiwaḻagawag?

1 Corinthians 8:2

Sa tagu we ḵananae igammuna losan, sanat angipailae ippun igammuna'tta banage igammuwona oḵyan.

James 1:21

Pun an-awidanyu da losane ḵababbaine ugaliyu ya da amode ḵoḵoḵḵonyu. Ḵad ampakumbaba ḵayu ya awatonyu Ugude immuḻana'tta somsomoḵyu we maḵwae anagu ḵan diḵayu.

James 1:10

Sa baḵnang, allaylayad oḵyan nu nababa saadna te amungtu we isun di tabbaḵ atte puḻag.

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.

Mark 10:15

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Acts 8:30

Pun nanoddaḵ aḵ Philip we ummadani si opisyal woḵ dingngoḻnae basabasaona inggilin Profeta Isaiah. Ḵananae nangimus, “Maawatam ḵad ain sanate basabasaom?”

Acts 8:32

Sa sadi ye binasabasana, ḵanana, “Giginnoḵe isunan karnero we gumiginnoḵ si iyoyda'tte lugar we papartiyan ya isuna bos ubbun ni karnero we giginnoḵ nu puḵisanda.