Acts 8:3 - Sa Ugud Apudyus

³ Yaḵon aḵ Saul iggaigganae namaḵaḻam atta namati ye magimugimung ḵad linnoḵna da boḻoyda woḵ nalluyluy atta laḻaḵi ḵan da bubai pun impaibaḻudna dida.

Acts 8:3 Referans Kwoze

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

Philippians 3:6

Pun nu mipanggob si angipadasane angipapati, nampaḵaḻamoḵ da namati ḵan Jesus. Pun nu mipanggob si naun-unan ni tagu gapu'tte nanuttuwaanda'tta lintog Moses, naippun nangkurangaḵ.

Galatians 1:13

Dingngoḻyu nantataguḵ si nangunudaḵ atta ugalin da Judyu nu ngai inoḵe namaḵaḻam atta magimugimunge namati ḵan Apudyus ḵad inniggaḵ ḵabooḻaḵe nanadail ḵan dida.

1 Corinthians 15:9

Te saḵon ḵababaan atta apostol, ippun oḵyan ḵaḻabbongaḵe maawagan aḵ apostol te nampaḵaḻamoḵ da magimugimunge namati ḵan Apudyus.

Acts 22:19

“Pune sadi ḵanaḵ, ‘Apu, iniiggammudae saḵon ummoy atta sinagoga nandoḵma'tta namati ḵan siḵae imbaḻudḵu ḵan inap-aplitḵu dida.

Acts 9:21

Nataag da losane nandongoḻ woḵ nan-asiimusda, “Daḵampun ḵamman aḵ sanat tagu we namaḵaḻam atta anḵodaw aḵ ḵadagu ḵan Apu ad Jerusalem? Daḵampun ḵamman aḵ siya panggobnae ummali sina umoy andoḵma'tta namati ya iyoyna didae nababaḻud atta papangat da papadi?”

Acts 7:58

woḵ niluyluyda intallay si lasin ni siyudad ta batubatuwonda inggana'ḵ matoy. Da nanaḵdoḻe namabasuḻ ḵan siya, intabunuda da taḵḵop da silupda'tte sinagung ni babaḻu we nangngadan aḵ Saul.

James 2:6

Yaḵon diḵayu ḵad, ibabbainyu da ḵapus. Daḵampun ḵamman atta babaḵnang da amaḵaḻam ḵan angidaḻum ḵan diḵayu?

Acts 8:2

Inggaw da udume naapudyusane tagu we ummoy nangilibon ḵan Stephen woḵ amod pagay ibildae nangidomdom ḵan siya.

Acts 16:19

Innilan ḵad da apunae naippun ogon namnamaonda angaḻ-an aḵ pilaḵda, dinoḵmaanda da Paul ḵan Silas woḵ binutbutda dida'tte lugar we andaḵdaḵngan da adu we tagu atte sinagung da papangat ni ili.