Acts 5:40 - Sa Ugud Apudyus

⁴⁰ Pun tinuttuwan da ḵuḵunsisaḻ imbagan Gamaliel. Inayaganda ḵad da apostol, impaaplitda dida. Pun imbilinda bose adida an-ugud si mipanggob si ngadan Jesus woḵ puḵayanda dida.

Acts 5:40 Referans Kwoze

Matthew 10:17

Ḵad ummanyu bos te doḵmaanda ḵan idaḻum diḵayu'tta ḵuḵunsisaḻ ya ap-apliton diḵayu'tta sinagogada.

2 Corinthians 11:24

Nangallimae inap-aplitaḵ atta buḻunḵu we Judyu atte tuḻumpuḻu ya siyame aplit.

Acts 5:28

Ḵanana, “Binilibilinni diḵayu we adiyu ituttudu mipanggob atte ngadan ni annae tagu. Yaḵon amo impaigammuyu si intero we Jerusalem ya ipabasuḻyu bos ḵan diḵani natoyana.”

Mark 13:9

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Luke 20:10

Dummatong ḵad timpu we ambuḻasanda'tta de grape, imbuun ni sinḵuwa osa'tta sammiluna'ḵ umoy angaḻa si billayna. Yaḵon dummatong ḵad, inap-aplit da gumagammole woḵ pinaḻyawdae awwakwakkay.

Matthew 23:34

Pun ibuunḵu ḵan diḵayu da profeta, da nalainge tagu ya da mimistulun ni lintog. Ḵad anggongat ḵayu'tta udum ya ipattoḻyu da udum atte kros. Da udum ḵad os, ap-aplitonyu dida'tta sinagogayu ya dinumane umawidanda, dogdogonyu dida'tta ḵinailin di ili ya ampaḵaḻamonyu dida.

Matthew 20:19

ya asidaot saḵon ipuḻang atta Gentil. Ḵad ang-angyagonda saḵon ḵan ap-aplitonaḵ, ḵade sadi ipattoḻda saḵon atte kros. Yaḵon sa miḵaḵlu we aḻgaw, taguwonaḵ ḵan Apudyus.”