Acts 5:39 - Sa Ugud Apudyus

³⁹ Yaḵon nu aḵ Apudyus naḻpuwana, adiyupun lamog oḻgon dida te aḵ Apudyus we mismu sullagiyonyu.”

Acts 5:39 Referans Kwoze

Matthew 16:18

Pun ibagaḵ ḵan siḵa, siḵa'ḵ Peter, batu piona ḵanan. Ḵad sa annae labaw ni batu antaḵadaḵ si simbaanḵu we da losane amati ḵan saḵon. Ḵad naippun angngog ḵan dida taḵon ay ḵabooḻan ni ḵatoy, adinapun lamog oḻgon dida.

Acts 7:51

Pinagatupan Stephen woḵ ḵanana, “Diḵayu we tummungitong! Isuyun pagano we adipun amati ḵan Apudyus ya tuḻtuḻḻongonyu ḵatuttuwaan. Isuyu bos da danaḵḵoḻyu we pasigda sullagiyon Ispiritu Santu.

1 Corinthians 1:25

Te sa ḵanandae dinodong-og Apudyus nangatu'ḵ adayu nu sa ḵinalaing da tagu ḵad sa ḵanandae ḵinaḵuyan Apudyus naḵosḵosdoḻ aḵ adayu nu sa ḵosdoḻda.

Acts 11:17

Pun nu innatod Apudyus Ispiritu Santu atta Gentil we isun ni innatodna ḵan ditaḵu si namatiyan taḵu ḵan Apu Jesu Kristu, ngaiyaḵ ḵammane anullagi ḵan Apudyus?”

Acts 9:5

Ḵanan Saul, “Ngaiḵa, Apu?” Pun ḵanana, “Saḵon aḵ Jesus we ampaḵaḻamom.

Acts 6:10

Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Acts 23:9

Pun amod pagay omoḻda. Da udume Pharisee ye mimistulun ni lintog, summiḵadda ta ipatutda ḵasomsomḵanda. Ḵananda, “Ippun paat indasanni'ḵ lawweng ni annae tagu. Naḵaugud nin anghel baḵon nu ispiritu ḵan siya.”

1 Corinthians 10:22

Nu ḵatti ḵoonyu, diḵayu angwa si angimunan Apudyus. Naḵosḵosdoḻ ḵayu ḵamman nu siya?