Acts 5:3 - Sa Ugud Apudyus

³ Yaḵon ḵanan Peter, “Ananias, ngaipam iyunude aḵ Satan anḵewaaḻ atte somsomoḵnu ya nantultulliḵa si Ispiritu Santu atte nangitaḻuwam si udume bayad ni lutayu?

Acts 5:3 Referans Kwoze

1 Peter 5:8

Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.

Acts 5:9

Ḵanan Peter, “Ngaipayu we an-asawa antuḻagane padason Ispiritun Apu? Dongngom, ḵodoḵodog da babaḻu atte sawange ummoy nangilibon ḵan asawam. Ḵad asida bos siḵa adangoyon ilawa.”

John 13:27

Innaḻan ḵad ay Judas tinapay, nillumnoḵ aḵ Satan ḵan siya. Pun ḵanan Jesus ḵan siya, “Angganasome angwa si piom ḵoon.”

John 13:2

Angan ḵad da Jesus si sadi ye labi, impaspasmoḵ Satan ḵan Judas Iscariot we abeng Simon we ituyuḵna'ḵ Jesus.

James 4:7

Pun paipangat ḵayu ḵan Apudyus ya sagangonyu'ḵ Satan woḵ umawid.

Acts 5:4

Sa daanyu angingin-an atte lutayu sissiyae ḵuwayu. Pun ingnginayu ḵad, awad ḵan diḵayu nu ngai pionyu angastuwan si bayadna. Ngaipam ay simsimmoḵ ḵoon sadi? Daḵampun aḵ tagu nantultulliyam yaḵon aḵ Apudyus!”

Acts 5:2

Nantuḻagandae itaḻuda udume bayad ni lutada. Pun ummoy Ananias innatod udume nginana'tta apostol woḵ ḵanana, “Annaya bayad ni lutani.”

Luke 22:3

Pun nillumnoḵ aḵ Satan ḵan Judas Iscariot we osa'tta nasawaḻan aḵ duwae disipulun Jesus,

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.