Acts 5:17 - Sa Ugud Apudyus

¹⁷ Yaḵon da ḵangatuwane padi ya da losane grupun da Sadducee, amod de aposda'tta apostol.

Acts 5:17 Referans Kwoze

Acts 13:45

Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.

Acts 17:5

Yaḵon maapos da Judyu we adipun namati woḵ dinagupda da gugulu'tte lugar we andaḵdaḵngan da adu we tagu ta angguluda inggana'ḵ nagulu da losane umili. Pun ummoyda linnoḵ boḻoy da Jason te singsingtonda da Paul ḵan Silas ta ilawada dida iyoy atte nadagupan da adu we tagu.

Acts 7:9

“Da danaḵḵoḻ taḵu maaposda ḵan Joseph we sunudda woḵ ingnginada'tta udume tagu'd Egypt ta ambalin aḵ musassu sidi. Yaḵon awad aḵ Apudyus ḵan siya

1 Peter 2:1

Pun an-awidanyu da losane ḵoḵoḵḵon. Ippun oḵyan tinutuli, apos, ḵapappaila ḵan diḵayu ya adiḵayu oḵyan an-ugud aḵ lawweng si mipanggob atta asintataguyu.

John 12:10

Nangwa ḵad da papangat da papadi, nantutuḻagandae gongaton os aḵ Lazarus.

Matthew 27:18

Inimusna anna te inigammunae impuḻangda'ḵ Jesus ḵan siya gapu'tte aposda.

James 4:5

Adiyu oḵyan ḵanane ippun patog ni nigili ye Ugud Apudyus we ḵanana: Angimun aḵ Apudyus ḵad adinapun pione awad ḵapuḻpuḻos ni Ispiritu we imbuunnae iinggaw ḵan ditaḵu.

Galatians 5:21

An-aḵ-apaḻda, ambarbartekda, maḵaḵwada'tta mapatuḻ-ayane laylayad ya da udume isun da sana. Imbagabagaḵ ḵan diḵayu si awe ya anna bose ibagaḵe da angwa'tta isun da anna, adidapun gangganason da laḵsunda si midog-anda si ampangatan Apudyus.

Acts 15:5

Yaḵon inninggaw da udume namati ye naḻpu'tte grupun da Pharisee ye summiḵadda woḵ ḵananda, “Ḵasapuḻane pasogyat da Gentil ya ibilin taḵu we tuttuwaonda da lintog Moses.”

Acts 4:26

Nansagana da ari si annae lutae maḵagubat ya nandatdatong da papangate bumusuḻ ḵan Apu ya sa Kristu we dinutuḵana.’

Acts 4:6

nidoga'ḵ Annas we ḵangatuwane padi ya aḵ Caiaphas, John, Alexander ya da udume agin ni ḵangatuwane padi.

John 12:19

Pun ḵanan da Pharisee, “Ilanyu ḵad, ippun botlon taḵu te siya unudon da losane tagu si lubung.”

Matthew 3:7

Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

Acts 5:16

Aduadu bos da tagu we nandatdatonge naḻpu'tta ili ye nampaliḵwos ad Jerusalem, nan-idatongda'tta nasaḵit ya da naaḻanan woḵ losan naḵaan da saḵitda.