Acts 4:27 - Sa Ugud Apudyus

²⁷ Sadi imbagan Ari David te da Herod ḵan Pontius Pilate ya da Gentil ya da ganaḵ Israel nadagupda'd Jerusalem ta antutuḻagdae gongatonda'ḵ Jesus we nasantuwane sammilume dinutuḵam.

Acts 4:27 Referans Kwoze

Matthew 27:2

Pun binaḻudda woḵ inniyoyda ḵan Gobernor Pilate.

Acts 4:30

Ipailam ḵabooḻame angaan atta saḵit ya angwa'tta nakaskasdaaw mipagapu'tte ḵabooḻan Jesus we nasantuwane sammilum.”

Luke 9:22

Ḵanan Jesus, “Saḵone Abeng Di Tagu, ḵasapuḻane ampaḵaḻamaḵ. Idiyanaḵ atta pallakayon da Judyu, da papangat da papadi ya da mimistulun ni lintog ya gongatonaḵ. Yaḵon sa miḵaḵlu we aḻgaw, taguwon Apudyus saḵon.”

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 2:27

Te adimpun iwaḻang ḵalidodwaḵ ad Hades we igaw da natoy. Ḵad adimpun os iyunud loposon long-ag ni mismu we sammilum.

John 19:34

Yaḵon sa osa'tta suḻdadu, dinuy-uḵna si tubay butiḵ Jesus woḵ daguse pummoy-as daḻa ḵan danum.

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.

John 10:36

Ngaipayu ḵanan ḵan saḵone intotoḵḵon ni Ama ya imbuunna si annae lubung, ‘Nan-ugud ḵayu'ḵ lawweng ḵan Apudyus,’ te sa imbagaḵ, ‘Saḵon Abeng Apudyus’?

John 1:11

Ummoy si mismu we ilina yaḵon adimpun da ḵailiyana inawat.

Luke 22:63

Da nanguwaḻda ḵan Jesus, inang-angyagda ya inap-aplitda.

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Mark 15:31

Pun da papangat da papadi ya da mimistulun ni lintog, ḵananda'tta sin-ossaossae nangang-angyag ḵan siya, “Tinaguna da udume tagu yaḵon adinapun lamog taguwon long-agna.

Mark 10:33

Ḵanana, “Dongngonyu, annae anagada taḵu'd Jerusalem. Ḵad nu dumatong taḵu, saḵone Abeng Di Tagu mipuḻangaḵ atta papangat da papadi ya da mimistulun ni lintog. Ḵad ḵoddonganda saḵon aḵ matoy ya ipuḻangda saḵon atta Gentil,

Matthew 23:37

Pune sadi ḵanan Jesus, “Atoḵayu paye iJerusalem, diḵayu nanggongat atta profeta ḵan namatubatu'tta imbuun Apudyus! Nangampigae pioḵ dagupon diḵayu ḵan saḵon ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Matthew 21:28

Pun inug-uggud Jesus annae pani woḵ ḵanana ḵan dida, “Ngai ḵasomsomḵanyu'tte mipanggob si anna? Inninggaw tagu we duwa da abengnae laḻaḵi. Sin-aḻgaw ḵad ḵanana si panguḻu, ‘Abeng, inḵa anḵewaaḻ atte mumuḻḻaan atta de grape.’

Matthew 14:1

Sa sadi ye timpu, dingngoḻ Herod we gobernor atte probinsiya'd Galilee mipanggob atta ḵingwan Jesus,

Matthew 14:3

Imbagan Herod ḵaḵna gapu'tte ḵingwana si awe. Siya nampadoḵma ḵan John woḵ impaibaḻudna te sinuppaḵan John we adimpun ni lintog iyunude asaw-ona'ḵ Herodias we asawan ni sunudnae aḵ Philip.

Matthew 14:6

Dummatong ḵad aḻgawe niyanaḵan Herod, inayagana da tagu ta maḵagangganasda. Inninggaw babaḻasange abeng Herodias. Pun nansala si sinagung da losan. Nas-om aḵ Herod

Luke 23:1

Pune sadi, losanda lummanibbat ta iyoyda'ḵ Jesus ḵan Gobernor Pilate. Dummatongda ḵad sidi,

John 18:29

Pun lummawa'ḵ Pilate woḵ ḵananae nan-imus ḵan dida, “Ngai ipabasuḻyu si annae tagu?”