Acts 4:19 - Sa Ugud Apudyus

¹⁹ Yaḵon ḵanan da Peter ḵan John we summongbat, “Ḵuwisonyu we mismu da long-agyu nu ustu si antotollong Apudyus we diḵayu tuttuwaonni baḵon nu aḵ Apudyus.

Acts 4:19 Referans Kwoze

Acts 5:29

Yaḵon ḵanan da Peter ya da buḻunnae apostol we summongbat, “Ḵasapuḻane tuttuwaonni'ḵ Apudyus, daḵampun atta tagu.

1 Corinthians 10:15

Igammuḵe naangsan ḵayu. Pun somsomḵonyu da annae ibagaḵ ḵan diḵayu.

1 Timothy 2:3

Annaya ambaḻu ya siya mas-oman Apudyus we anagu ḵan ditaḵu.

John 7:24

Adi ḵayu anḵuwise mibatay si ḵatollongan yaḵon anḵuwis ḵayu si ustu we anḵuḵuwis.”

Matthew 22:21

Ḵananda, “Sa Emperor.” Ḵanan Jesus ḵan dida, “Nu ḵaḵnat, ittonyu ḵan Emperor da ḵuwana, ḵad ittonyu bos ḵan Apudyus da ḵuwan Apudyus.”

James 2:4

Adiyupun ḵamman nilaḵsig da buḻunyu si imbelangyu we nangatu da udum ḵan diḵayu ya nambalin ḵayu'ḵ ḵuwis atta somsomoḵyu?

Ephesians 6:1

Diḵayu ḵade aabeng, tuttuwaonyu da amayu ḵan inayu gapu si niyossaananyu ḵan Apu te sana ustu we ḵoonyu.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

Hebrews 11:23

Mipagapu'tte pammatin da sin-abeng ḵan Moses, adidapun iyyogyat bilin ni ari. Pun intaḻuda abeng aḵ tuḻun buḻan inggan ni niyanaḵana gapu ta inniladae ambaḻu sanae abeng.

Luke 22:8

Pun imbuun Jesus da Peter ḵan John woḵ ḵanana, “Inḵayu isagana ḵanon taḵu'tte Gayagayae ngannon taḵu Nallausan.”

Acts 4:13

Innilan ḵad da ḵuḵunsisaḻ tuḻod da Peter ḵan John nataagda te igammudae nababa ḵasasaaddae tagu we adidapun naadaḻan. Pun immatunandae nibuḻubuḻunda ḵan Jesus.

Acts 5:28

Ḵanana, “Binilibilinni diḵayu we adiyu ituttudu mipanggob atte ngadan ni annae tagu. Yaḵon amo impaigammuyu si intero we Jerusalem ya ipabasuḻyu bos ḵan diḵani natoyana.”