Acts 3:6 - Sa Ugud Apudyus

⁶ Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.”

Acts 3:6 Referans Kwoze

Acts 3:16

Mipagapu'tte ḵabooḻan Jesus, pummigsa annae tagu we itotollongyu ya igammuyu. Ḵad gapu si pammatina ḵan Jesus, lummin-awa annae tagu si sinagungyu losan.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Acts 9:34

Ḵanan Peter ḵan siya, “Aeneas, ḵaanon Jesu Kristu saḵitnu. Bumangonḵa ta luḵubom oboḵnu!” Pun daguse bummangon.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Acts 16:18

Adu aḻgawe nangwaana'tta ḵaḵna inggana'ḵ nappog aḵ Paul. Nantawili si babaḻasang woḵ ḵanana si aḻan, “Gapu'tte ḵabooḻan Jesu Kristu, ibagaḵ ḵan siḵa lumawaḵa ḵan siya!” Pun daguse lummawa aḻan.

Mark 16:17

Annaya da nakaskasdaawe sinyale ipailan da amati. Paḻyawonda da aḻan si angusaranda'tte ngadanḵu ya an-uguda'tta udume ugude adidapun igammu.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

1 Peter 4:10

Ḵad da ḵabooḻane innatod Apudyus atte sin-ossaossae namati, usaronyu we anserbi'tta buḻunyu we isun di mataḻgodane sammilu we angayyuwan atta nankalakalasi ye bindisyune innatod Apudyus.

Acts 4:7

Pun da Peter ḵan John pinataḵdogda dida si sinagungda woḵ ḵanandae nanumaḻya ḵan dida, “Dinu naḻpuwan ni ḵabooḻanyu ya ngai singngadan atte inusaryu we nangwa si anna?”

Acts 2:22

Pinagatupan Peter woḵ ḵanana, “Susunude ganaḵ Israel, dongngonyu annae ibagaḵ ḵan diḵayu. Aḵ Jesus we iNazareth, pinanoḵnoḵan Apudyus ḵan diḵayu we imbuunna mipagapu'tta nakaskasdaaw ya da sinyale ḵingwan Apudyus ḵan diḵayu mipagapu ḵan siyae iniiggammuyu.

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

Matthew 10:9

Adi ḵayu angawit aḵ buḻawan ḵan pilaḵ,

Matthew 7:22

Ḵad nu dumatong anguwisan Apudyus atta losane tagu, adu da ḵananda ḵan saḵone, ‘Apu, Apu, inusarni ḵaḻabbongam atta nangwaanni'tta sanae banag. Imbagani da paibagan Apudyus ya pinaḻyawni da aḻan ya ḵingwani da nakaskasdaaw.’

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

John 19:19

Inninggaw os impaigilin Pilate we impaiggana'tte kros Jesus we ḵanana, “Jesus we iNazareth, Arin da Judyu.”

2 Corinthians 8:12

Te nu allaylayad ḵayu we angitod, allaylayad os aḵ Apudyus we angawat atta sadi ye badangyu sigun si lamogyu itton. Adinapun namnamaone ittonyu adiyupun lamog.

Mark 14:8

Ḵingwana ḵaḻabbongana. Inisigna bangbanglu si long-agḵu ta misagana'tte milibonaḵ.

1 Corinthians 4:11

Inggana sinsadi, nauḻat ḵan nauwaw ḵani, kurang da silupni ya ampaḵaḻam ḵani ya ippun ustu'ḵ boḻoyni.

Acts 3:5

Pun nantollong ḵan dida te sa somsomoḵna awad nin ittonda ḵan siya.

Acts 3:7

Pun innonnan Peter dawinane imana woḵ pinasiḵadna. Pun daguse pummigsa suḵina ḵan tiḵlingna.