Acts 28:23 - Sa Ugud Apudyus

²³ Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

Acts 28:23 Referans Kwoze

Acts 19:8

Sa tuḻun buḻane inninggawan Paul sidi dam-on nantuttudu'tte sinagoga ḵad natuḻode nan-ugud ya naḵasossongbat atte mipanggob si ampangatan Apudyus ta awisona da tagu ta amatida.

Acts 18:28

Te allainge naḵasossongbat atta Judyu woḵ illogna dida te pinanoḵnoḵana si Ugud Apudyus we aḵ Jesus siya Kristu.

Acts 26:6

Ḵad annaaḵ sinsadi ye tataḵdoge masumaḻya, gapu si namnamaoḵe mituttuwa inkarin Apudyus atta danaḵḵoḻ taḵu si awe ye taguwona da natoy.

Acts 8:35

Pun illawlawag Philip we insaḻadna'tta sadi ye nigili ye Ugud Apudyus woḵ imbagana Ambaḻu we Damag mipanggob ḵan Jesus.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Acts 18:4

Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

Philemon 1:2

Ipaoyni bos atta namati ye magimugimung si boḻoyyu, isun da Apphia we bubai ye buḻunni ya aḵ Archippus we angitaḵdoḻ atte Ambaḻu we Damag atta sumullagi.

Mark 4:34

Pasigna impani ye nantuttudu ḵan dida. Abusda ḵad atta disipuluna, impaḵaawatna ḵan dida.

Luke 16:28

ta bagbagaana da limae sunudḵu ta adida oḵyan os umali si annae igaw ni ummamdane ampaḵaḻaman.’

Acts 1:3

Naabus ḵad natoy aḵ Jesus woḵ ummuli, dam-on nampaila'tta disipuluna si unog ni opatpuḻu we aḻgaw ya adu da ḵingwanae angipanoḵnoḵe tuttuwae ummuli woḵ intuttuduna mipanggob si ampangatan Apudyus.

Acts 23:11

Sa sadi ye labi, nampaila'ḵ Apu Jesus ḵan Paul woḵ ḵanana, “Papigsaom somsomoḵnu te ḵasapuḻane taḵdoḻam mipanggob ḵan saḵon ad Rome we isun ni nanaḵdoḻam ḵan saḵon sina'd Jerusalem.”

Acts 24:14

Yaḵon awad de ibagaḵ ḵan siḵa. Sa unudoḵ sa tuttudun Jesus si andaydayawaḵ si Apudyus da danaḵḵoḻ taḵu ḵad ḵanandae tinutuli ye tuttudu. Yaḵon amatiyaḵ atta losane nigili ye lintog Moses ya da losane inggilin da profetan Apudyus si awe.

Acts 28:31

Natuḻode nangiwaḻagawag ḵan nangituttudu mipanggob si ampangatan Apudyus ya aḵ Apu Jesu Kristu ḵad ippun nanupod ḵan siya.

Philemon 1:22

Awad os osae ibagaḵ nu maḵwa, angisaganaḵa'ḵ kuwartu'ḵ inggawaḵ. Te namnamaoḵe songbatan Apudyus da luwaḻuyu ta mapuḵayanaḵ ḵad angulinaḵ ḵan diḵayu.