Acts 27:24 - Sa Ugud Apudyus

²⁴ woḵ ḵanana, ‘Paul, adiḵa maḵimut te ḵasapuḻane masumaḻyaḵa si sinagung ni Emperor ad Rome. Ḵad mipagapu bos si ḵinabaḻun Apudyus, taguwona siḵa ya da losane ḵalugannu ta naippun matoy.’

Acts 27:24 Referans Kwoze

Acts 23:11

Sa sadi ye labi, nampaila'ḵ Apu Jesus ḵan Paul woḵ ḵanana, “Papigsaom somsomoḵnu te ḵasapuḻane taḵdoḻam mipanggob ḵan saḵon ad Rome we isun ni nanaḵdoḻam ḵan saḵon sina'd Jerusalem.”

Matthew 10:28

Adiyu isipog da lamogda gongaton da long-agyu yaḵon naippun lamogdae angongat atta ḵalidodwayu. Sa isipogyu oḵyan, aḵ Apudyus. Te lamogna dadailon long-ag ḵan ḵalidodwa'd infiernu.

James 5:16

Pun an-asibabagga ḵayu'tta basuḻyu ya an-asiluwaḻu ḵayu ta maḵaan da saḵityu. Te sa luwaḻun ni naun-unane tagu ampigsa ḵabooḻana ḵan ambanagana.

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Revelation 1:17

Sa nangil-aḵ ḵan siya nisubuḵaḵ atte sinagungnae isun di natoy. Yaḵon inappadana saḵon si madawinane imana woḵ ḵanana, “Adiḵa maḵimut te saḵon ummuna ḵan anguddidi,

Acts 27:37

Sa belangni ye inggaw si bapur, duwanggasut ya pitumpuḻu ya onome tagu.

Acts 27:44

ḵad umun-unud da udume ampataw atta tabla ḵan udume ḵayun ni bapur. Pun dummatong ḵani si taḻantage ippun naḵwa ḵan diḵani.

Acts 25:11

Ḵad nu awad ḵingwaḵ aḵ lawweng labbongnae matoyaḵ ḵad adiyaḵpun maḵailigsi si ḵatoy. Yaḵon nu ippun ḵatuttuwaan da sadi ye ipabasuḻda ḵan saḵon, ippun sillabbong angipuḻang ḵan saḵon ḵan dida. Pun idatagḵu ḵasusḵu'tte Emperor.”

Acts 19:21

Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.”

John 11:9

Ḵanan Jesus, “Daḵampun ḵamman aḵ nasawaḻan aḵ duwae oras sin-aḻgaw? Nu anaddaḻan tagu si aḻgaw, adipun misaballut te ampadda.

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

Acts 27:31

Yaḵon ḵanan Paul si kapitan ya da suḻdaduna, “Nu adipun inggaw da marinero si annae bapur, ippun matagu ḵan diḵayu.”

Acts 27:42

Da suḻdadu ḵad, planudae gongatonda da baḻud ta ippun umuna anḵiyat ya umawid.

Philemon 1:22

Awad os osae ibagaḵ nu maḵwa, angisaganaḵa'ḵ kuwartu'ḵ inggawaḵ. Te namnamaoḵe songbatan Apudyus da luwaḻuyu ta mapuḵayanaḵ ḵad angulinaḵ ḵan diḵayu.