Acts 26:24 - Sa Ugud Apudyus

²⁴ Sa nanaḵdoḻan Paul atte long-agna, napapḵaaw aḵ Festus woḵ ḵanana, “Natingangḵa Paul! Sa ummamdane inadaḻnu natingangam!”

Acts 26:24 Referans Kwoze

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

2 Corinthians 5:13

Taḵon ay nu ḵanan da tagu we natingang ḵani, sinnamaḻna te para ḵan Apudyus da ḵoonni. Yaḵon nu ḵanandae nanggodong somsomoḵni, igammuyu we para si bumaḻuwanyu.

1 Corinthians 4:10

Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida.

Mark 3:21

Dingngoḻ ḵad da ḵabaḻyanna, ummoyda ta itallayda te sa ḵanan da udum natingang.

Acts 26:11

Nangampigae ummoyaḵ atta losane sinagoga ya dam-oḵ dinusa da namati. Ḵad pinatutḵu dida an-ugudon aḵ lawweng atte mipanggob ḵan Jesus gapu ta amod de sangaḵ ḵan dida. Nampaḵaḻamoḵ dida taḵon ay da adaddayuwane siyudad da Gentil.”

Acts 17:32

Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.”

Acts 24:25

Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.”

Acts 22:1

Ḵanana, “Diḵayu we aammaḵ ḵan susunudḵu we ganaḵ Israel, dongngonyu songbatḵu ḵan diḵayu.”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.

John 8:48

Pun ḵanan da Judyu, “Daḵampun ḵamman aḵ tuttuwa imbagani ye iSamariaḵa we naaḻanan?”

John 7:15

Pun nataag da papangat da Judyu woḵ ḵananda, “Naippun nangatu'ḵ adaḻ ni annae tagu. Dinu nangaḻ-ana si laingna?”

Acts 24:27

Naḻaḵpus ḵad de duwan tawon, nipasani'ḵ Porcius Festus we gobernor ḵan Gobernor Felix. Yaḵon gapu ta piona pas-oman da Judyu, tinenana'ḵ Paul si babaḻḻudan.

2 Timothy 3:15

Sosomkome inggan ni ḵaban-ognu, inigammum da nigili ye Ugud Apudyus we siya nituttudu ḵan siḵa mipanggob si mataguwan gapu si pammatim ḵan Jesu Kristu.