Acts 25:22 - Sa Ugud Apudyus

²² Pun ḵanan Agrippa ḵan Festus, “Pioḵ pagaye dongngone mismu si sanate tagu.” Ḵanan Festus, “Appigat, maḵwae dongngom.”

Acts 25:22 Referans Kwoze

Acts 9:15

Yaḵon ḵanan Apu ḵan siya, “Inḵa te siya piniliḵe anserbi ḵan saḵon ta umoyna ipaigammu mipanggob ḵan saḵon atta Gentil, da ari ya diḵayu we ganaḵ Israel.

Luke 21:12

“Yaḵon sa daan da sadi maḵwaan, doḵmaanda ḵan ampaḵaḻamon diḵayu. Idaḻumda diḵayu'tta sinagoga ḵad ibaḻudda diḵayu. Gapu si pammatiyu ḵan saḵon, iyoyda diḵayu'tta ari ya da gobernor.

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

Acts 25:13

Naḻaḵpus ḵad pigan aḻgaw, ummali da Ari Agrippa ḵan Bernice ad Caesarea ta pakumustaonda'ḵ Festus.