Acts 25:10 - Sa Ugud Apudyus

¹⁰ Yaḵon ḵanan Paul, “Adiḵpun pion te annaaḵe tataḵdog si sinagungnu we ḵasapuḻane sina masumaḻyaaḵ. Siḵae mismu dinutuḵan Emperor aḵ anguwis atta tagu si annae probinsiya. Ḵad iniiggammume naippun ḵingwaḵ aḵ lawweng atta Judyu.

Acts 25:10 Referans Kwoze

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

Acts 28:18

Sinumaḻyan ḵad da iRome saḵon, piondae mapuḵayanaḵ te inigammudae ippun ḵingwaḵ aḵ lawweng aḵ labbongnae matoyaḵ.

Acts 26:31

woḵ lummawada ḵad, ḵanandae nan-uugud, “Sa annae tagu ippun ḵingwana'ḵ gapun ni magongatana baḵon nu mibaḻudana.”

Acts 25:25

Yaḵon ippun paat indasaḵ aḵ ḵingwana'ḵ labbongnae magongat. Pun gapu ta indatagnae mismu ḵasusna si Emperor ad Rome, simsimmoḵḵu we ibuunḵu sidi.

Matthew 27:18

Inimusna anna te inigammunae impuḻangda'ḵ Jesus ḵan siya gapu'tte aposda.

Acts 25:17

Pun dummatongda ḵad sina, adiḵpun intaḻyan ḵasusna. Yaḵon mabigat ḵad ay, tummuḵduwaḵ si ḵuḵuwisan woḵ impaidatongḵu baḻud.

Acts 25:6

Inninggaw aḵ Festus si adipun lummabos aḵ waḻu baḵon nu simpuḻu we aḻgaw ḵan dida'd Jerusalem, pun nipauli'd Caesarea. Mabigat ḵad, ummoy tummuḵdu'tte ḵuḵuwwisan woḵ impaidatongna'ḵ Paul.

Acts 23:29

Pun sa inigammuḵ, ippun ḵingwana'ḵ gapun ni maḵoddongana'ḵ matoy baḵon nu mibaḻudana te siya impabasuḻda mipanggob si lintogda.

Matthew 27:19

Sissiya ḵade tutuḵdu'ḵ Pilate si tutuḵduwan ni ḵuwis, nambuun aḵ asawana'ḵ umoy angibaga ḵan siya ḵanane, “Adim dusaon sanate naun-unane tagu. Te sa labi, inin-inopḵu mipanggob ḵan siya ya nampaḵaḻamonaḵ gapu ḵan siya.”