Acts 24:25 - Sa Ugud Apudyus

²⁵ Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.”

Acts 24:25 Referans Kwoze

John 16:8

Ḵad nu umali, panoḵnoḵana'tta tagu we adipun namati ye nankamalida mipanggob atta basuḻda ya sa naun-unaḵ ya sa anḵuwisan Apudyus.

1 Peter 3:15

yaḵon dayawonyu'ḵ Kristu we ḵangatuwane Apu atte somsomoḵyu. Pasig ḵayu ansasagganae anongbat nu awad an-imus ḵan diḵayu'tte mipanggob si namnamayu we awad ḵan diḵayu. Ḵad allin-awaonyu we sumongbate angipaila si ustu we patganyu.

2 Peter 1:6

Sa angigammuwanyu, ḵasapuḻane tupodonyu da long-agyu ya ḵasapuḻane attomanyu nu magulugulu ḵayu. Ḵad dog-anyu bos atte naapudyusane antatagu.

Galatians 5:23

napakumbaba ya tupodona long-agna. Sa angunud atta sanae ugali, naippun ḵoona'tta iyadin ni lintog.

Acts 10:42

Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

1 John 3:7

Aabengḵu, ummanyu ta adi ḵayu paallelaw. Ngaimane amagapagatupe angwa'tta maun-unan, sanat tagu we naun-unane isun Kristu.

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.

Hebrews 9:27

Niḵoddonge amingsan tagu matoy, magangput ḵad, maḵuwis ḵan Apudyus.

Hebrews 4:1

Pun gapu ta sissiya sanae inkarin Apudyus we umillongan, ḵasapuḻane umman taḵu ta ippun oḵyan osa ḵan ditaḵu'ḵ adi maḵaḻnoḵ si sanate umillongan.

Hebrews 3:13

Yaḵon sa ḵoonyu, inaḻgaw oḵyane an-asisoḻgag ḵayu si awad timpuyu ta ippun maallelaw ḵan diḵayu'ḵ maḵabasuḻ ya tumungitong da somsomoḵyu.

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

1 John 3:10

Ḵaḵna angimatunan taḵu'tta abeng Apudyus ya da abeng Satan: Da tagu we daḵampun aḵ abeng Apudyus, adidapun ḵoon da ustu ya adidapun ayaton da asintataguda.

2 Timothy 4:1

Annaya ibilinḵu ḵan siḵa Timothy si sinagung Apudyus ya aḵ Jesu Kristu we ḵasin umali ampangat ḵan anguwis atta losane tagu we matattagu ḵan natoy.

2 Corinthians 6:2

Te awad de nigili ye Ugud Apudyus we ḵanana, “Dingngoḻḵu da luwaḻuyu si timpu we ḵummadaguwaḵ ḵan diḵayu ya tinaguḵ diḵayu'tte ustu we aḻgawe bummadangaḵ ḵan diḵayu.” Sosomḵonyu anna, sinsadi ustu we timpu we angngoḻan Apudyus ḵan diḵayu ya sinsadi ustu we aḻgawe mataguwanyu.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

Acts 24:15

Namnamaoḵe taguwon Apudyus ḵasin da losane natoy, da naun-unan ḵan adipun naun-unane isun ni namnamaon da annae tagu.

Acts 17:32

Dingngoḻda ḵad imbagan Paul mipanggob atte umuliyan da natoy, inang-angyag da udum yaḵon da udum ḵananda, “Pionni ye dongngon ḵasin mipanggob si sana.”

Acts 17:2

Sa ugalin Paul dam-on umoy si sinagoga. Sa tuḻun aḻgawe umillongan da Judyu naḵasossongbat atta tagu sidi mipanggob atte Ugud Apudyus.

Acts 2:37

Dingngoḻ ḵad da adu we tagu imbagan Peter, amod de babawida woḵ ḵananda ḵan Peter ya da udume apostol, “Susunude ganaḵ Israel, ngai ḵoonni?”

Hebrews 6:2

Adiyupun ḵasapuḻan da mapagapagatupane tuttudu mipanggob si bonyag ya sa angipatayan atte ima ya sa ḵasine umuliyan da natoy ḵan annanayune anguwisan Apudyus atta losane tagu.

Hebrews 12:21

Ḵad gapu ta ampaḵimut innilada taḵon ay aḵ Moses ḵanana, “Amilpilaḵ atte ḵimutḵu.”

Romans 14:12

Pun losan taḵu sumongbat ḵan Apudyus atta losane ḵingwa taḵu.

Romans 12:1

Pun susunud ḵan Kristu, ḵodawoḵ ḵan diḵayu we gapu'tte ḵadagun Apudyus idatunyu da long-agyu ḵan siya'ḵ matattagu we datun ya mitotoḵḵon ḵan Apudyus ya mas-omana. Sana ustu we inonyu we andayaw ḵan siya.

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

Acts 26:28

Ḵanan Ari Agrippa ḵan Paul, “Sa ḵanam ḵamman allasu angawisam ḵan saḵon ta ambalinaḵ aḵ Kristianu?”

Acts 17:13

Yaḵon inigammun ḵad da Judyu'd Thessalonica we iwwaḻagawag Paul Ugud Apudyus ad Berea, ummoyda sidi woḵ subsubonda da tagu ta angguluda.

Acts 9:6

Yaḵon allibbatḵa ta inḵa si siyudad ḵad awad de angibaga ḵan siḵa si ḵasapuḻane ḵoom.”

Matthew 22:5

Yaḵon adipun os dumngoḻ da sadi ye naayagan. Awad ay osa ya ipapuutna ḵoona. Sa osa ummoy atte payawna. Sa osa bos ummoy nallaḵu.

Acts 24:26

Sa sadi ye timpu patilayune ayagana'ḵ Paul aḵ ḵaug-uggudna te sa ninamnamana ḵananapun nu pasuḵsuḵan Paul.

Titus 1:8

Yaḵon ḵasapuḻane ḵamamangili ya siya pasige piona ḵoon da ambaḻu. Lamogna tupodon long-agna, naun-unan, ampoḻḵas somsomoḵna ya adipun bumasuḻ ya nadisiplina.