Acts 23:30 - Sa Ugud Apudyus

³⁰ Gapu ta inninggaw nangibaga ḵan saḵone nantutuḻagan da Judyu we gongatonda'ḵ Paul, daguse impaiyoyḵu ḵan siḵa. Imbilinḵu bos atta amabasuḻ ḵan siyae siḵa umoyda andaḻuman. Sana abus aḵ ibagaḵ.”

Acts 23:30 Referans Kwoze

Acts 25:16

Summongbataḵ ḵan dida woḵ ḵanaḵe daḵampun aḵ ugalini ye iRome ipuḻangni nidaḻume tagu nu daan masumaḻya. Ḵasapuḻane umuna sumangu'tta namabasuḻ ḵan siya ta awad inonae anaḵdoḻ atta ipabasuḻda ḵan siya.

Acts 24:19

Yaḵon da sadi ye naḻpu'd Asia, ḵasapuḻane dida umali sina andaḻum si sinagungnu nu awad ipabasuḻda ḵan saḵon.

Acts 23:35

ḵanan ni gobernor, “Asiḵ siḵa sumaḻyaon nu umali da nangidaḻum ḵan siḵa.” Pun imbilinna'tta suḻdadunae maguwaḻdaan aḵ Paul si boḻoy Ari Herod.

Acts 23:20

Ḵanan ni babaḻu, “Da papangat ḵad da Judyu nantutuḻagandae ḵodawonda ḵan siḵae appigat iyoynu'ḵ Paul atta ḵuḵunsisaḻ ta usigondae ustu mipanggob atte ḵasusna.

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

Acts 23:12

Mabigat ḵad, inggaw da naḵalimaane puḻu we Judyu we nantutuḻagdae gongatonda'ḵ Paul woḵ insapatadae adida angan ḵan uminum inggana'ḵ gongatonda'ḵ Paul.

Acts 15:29

Adiyu ḵanon midatun atta sinan-apudyus, ḵasapuḻane adiyu ḵanon daḻa ya da ayame adipun nidaḻaan ḵan adi ḵayu maḵadagdagas. Ḵad nu tuttuwaonyu da sana, ambaḻu ambanaganyu. Sana da abuse ibagani ḵan diḵayu.”

Acts 9:24

Yaḵon igammun Saul planun da Judyu. Inaḻgaw ya nilabi ye umoyda bangabangon atta lewangan ni siyudad ta gongatonda.

Acts 23:31

Lummabi ḵad, tinuttuwan da suḻdadu imbilin ni pangatda woḵ ummoyda intuḻud aḵ Paul ad Antipatris.