Acts 23:20 - Sa Ugud Apudyus

²⁰ Ḵanan ni babaḻu, “Da papangat ḵad da Judyu nantutuḻagandae ḵodawonda ḵan siḵae appigat iyoynu'ḵ Paul atta ḵuḵunsisaḻ ta usigondae ustu mipanggob atte ḵasusna.

Acts 23:20 Referans Kwoze

Acts 23:1

Pune sadi, immumusḵoḻ Paul da ḵuḵunsisaḻ woḵ ḵanana, “Susunudḵu we ganaḵ Israel, iniiggammun Apudyus we ampoḻḵas somsomoḵḵu mipanggob si inoḵe nanserbi ḵan siyae nilapu si awe inggana sinsanae aḻgaw.”

Acts 22:30

Mabigat ḵad, gapu ta pion ni kumander igammuwon ustu we ipabasuḻ da Judyu ḵan Paul, pinuḵayana woḵ binilinna da papangat da papadi ya da losane ḵuḵunsisaḻ ta ammimitingda. Pun inniyoyda'ḵ Paul si igaw da ammiting woḵ pinataḵdogna si sinagungda.

Acts 23:6

Inigammun ḵad Paul we nanḵagwa da papangate Sadducee da udum ya da udum Phariseeda, indangsoḻna gingana'tta ḵuḵunsisaḻ woḵ ḵanana, “Susunudḵu we ganaḵ Israel, Phariseeyaḵ. Pharisee bos da danaḵḵoḻḵu. Pun namnamaoḵe umuli da natoy ḵad sana gapunae sumaḻyaonyu saḵon.”

Acts 23:19

Ḵiniwid ni kumander woḵ ummoyna intalin pun ḵananae nan-imus ḵan siya, “Ngai piom ibaga ḵan saḵon?”

Acts 23:30

Gapu ta inninggaw nangibaga ḵan saḵone nantutuḻagan da Judyu we gongatonda'ḵ Paul, daguse impaiyoyḵu ḵan siḵa. Imbilinḵu bos atta amabasuḻ ḵan siyae siḵa umoyda andaḻuman. Sana abus aḵ ibagaḵ.”