Acts 22:8 - Sa Ugud Apudyus

⁸ “Pun ḵanaḵe nan-imus, ‘Ngaiḵa, Apu?’ “Ḵanana, ‘Saḵon aḵ Jesus we iNazareth we ampaḵapaḵaḻamom.’

Acts 22:8 Referans Kwoze

Acts 26:9

“Taḵon ay saḵon atte awe, simsimmoḵḵu we ḵasapuḻane iggaḵ ḵabooḻaḵe sumullagi'tta namati ḵan Jesus we iNazareth.

Acts 6:14

Te dingngoḻni nangibag-anae dadailon Jesus we iNazareth annae templo ya baliwana bos ugali ye impatawid Moses ḵan ditaḵu.”

Acts 4:10

dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.

Acts 3:6

Yaḵon ḵanan Peter, “Ippun pulus pilaḵḵu yaḵon sa awad ḵan saḵon, siya ittoḵ. Mipagapu'tte ḵabooḻan Jesu Kristu we iNazareth, anaddaḻanḵa.”

Matthew 25:45

“Summongbat woḵ ḵanana ḵan dida, ‘Ibagaḵ ḵan diḵayu ḵatuttuwaan, nu adiyu binadangan taḵon ay osae ḵababaan atta annae susunudḵu, adiyupun os saḵon binadangan.’ ”

1 Corinthians 12:12

Sa long-ag taḵu we tagu adu ḵamangayna yaḵon ossaane long-ag. Isuna bos aḵ Kristu ya ditaḵu we namati ḵan siya.

Matthew 25:40

“Pun saḵone Ari summongbataḵ ḵan dida woḵ ḵanaḵ, ‘Ibagaḵ ḵan diḵayu ḵatuttuwaan, nu ḵingwayu da ḵaḵna si osae ḵababaan atta susunudḵu si pammati, ḵingwayu bos ḵan saḵon.’

Acts 10:14

Yaḵon ḵanan Peter, “Naid Apu! Naippun paat nanganaḵ atte ibelangni ye Judyu aḵ ḵaissaw.”

Acts 22:7

Pun naliḵwadaḵ woḵ dingngoḻḵu gingae ḵanana, ‘Saul, Saul, ngaipam saḵon ampaḵaḻamon?’