Acts 22:3 - Sa Ugud Apudyus

³ “Saḵon ḵad, Judyuwaḵ we niyanaḵ ad Tarsus we osae siyudad atte Cilicia yaḵon dummaḵoḻaḵ sina'd Jerusalem. Aḵ Gamaliel mistuluḵ, ummana intuttudu ḵan saḵon da losane lintog da danaḵḵoḻ taḵu. Impapatiḵ ose nanserbi ḵan Apudyus we isuyu sinsadi.

Acts 22:3 Referans Kwoze

Acts 26:5

Nabayage igammuda saḵon inggan ni nidogaaḵ atte grupun da Pharisee ye angipapati si religionni ya impapatiḵe nanuttuwa'tta lintogda. Maḵwae panoḵnoḵandae tuttuwa da anna nu pionda.

Acts 9:11

Ḵanan Apu ḵan siya, “Allibbatḵa ta inḵa si ḵaḻsae ngannonda Nanggodong ḵad imusom boḻoy Judas nu awad aḵ Saul we iTarsus te awade alluwaḻu.

Acts 5:34

Yaḵon inggaw osae Pharisee atta ḵuḵunsisaḻ we nangngadan aḵ Gamaliel we mistulun ni lintog ya mapatgan atta tagu. Summiḵad woḵ ḵanana, “Paḻawaonyu yan dida'ḵ sin-aḵitan.”

Acts 21:39

Ḵanan Paul we summongbat, “Daḵanaḵpun, saḵon ḵad Judyuwaḵ we niyanaḵ ad Tarsus si probinsiya'd Cilicia we osae nandinongoḻe siyudad. Iyunudnu ud ta an-ugudaḵ atta annae tagu.”

Acts 21:20

Dingngoḻda ḵad sadi, indaydayawda'ḵ Apudyus woḵ ḵananda ḵan siya, “Susunud taḵu ḵan Kristu, pionni ye sosomkome ḵalibulibu belang da Judyu we namati ḵan Jesus ya amo ipapatidae angunud si lintog Moses.

2 Corinthians 11:22

Pun nu ḵanandae Hebrewda, Hebrewaḵ os. Ḵad nu ḵanandae dida ganaḵ Israel, siya bos ḵan saḵon. Ḵad nu ḵananda bose dida ganaḵ Abraham, ganaḵaḵ os ḵan Abraham.

Luke 10:39

Inninggaw os aḵ Mary ye sunudnae tummuḵdu si adanin Jesus ta dongngona tuttuduna.

Romans 11:1

Pun awad de imusoḵ, indiyan ḵad ain Apudyus da Judyu we taguna? Naid! Te saḵone mismu, osaaḵe ganaḵ Israel we naḻpu si abengnae Benjamin we ganaḵ os Abraham.

Acts 23:6

Inigammun ḵad Paul we nanḵagwa da papangate Sadducee da udum ya da udum Phariseeda, indangsoḻna gingana'tta ḵuḵunsisaḻ woḵ ḵanana, “Susunudḵu we ganaḵ Israel, Phariseeyaḵ. Pharisee bos da danaḵḵoḻḵu. Pun namnamaoḵe umuli da natoy ḵad sana gapunae sumaḻyaonyu saḵon.”

Acts 6:9

Yaḵon da udume Judyu we naḻpu si grupu we ngannonda “Sinagogan di Napuḵayane Musassu” we iCyrene ya iyAlexandria ya da udume naḻpu'd Cilicia ya ad Asia, tummaḵdogda woḵ naḵasossongbatda ḵan Stephen.

Galatians 1:21

Naabus ḵad de sadi, ummoyaḵ atta ili'd Syria ya ad Cilicia.

Galatians 1:14

Mipanggob ḵad os atte pammatini ye Judyu, intutuḻ-ayḵu'ḵ adayu'tta dogwasḵu te saḵon ḵapangogane nangunud ya nangitataḵdoḻ atta ugali ye tinawidni'tta daḵdaḵoḻni.

Acts 23:34

Binasan ḵad ni gobernor suḻat, inimusna ḵan Paul nu ngai probinsiyae naḻpuwana. Imbagan ḵad Paul we iCilicia,

Acts 15:41

Pun ummoyda'tta ili'd Syria ya ad Cilicia ta umoyda papigsaon pammatin da namati atta gimung.

Acts 15:23

Annaya suḻate indagasda, “Pakumustae naḻpu ḵan diḵani ye apostol ya da angipangpangu'tta namati ya da susunud ḵan Kristu sina'd Jerusalem. Annaya suḻatni ḵan diḵayu we Gentil we susunud ḵan Kristu sinat ad Antioch, Syria ya ad Cilicia.

Acts 11:25

Pun ummoy aḵ Barnabas ad Tarsus ta singtona'ḵ Saul.

Acts 9:30

Inigammun ḵad da susunudna ḵan Kristu, inniyoyda'd Caesarea woḵ imbuunda'tte siyudad ad Tarsus.

Luke 8:35

Pun ummoy da tagu innila naḵwa. Dummatongda ḵad ḵan Jesus, indasanda sadi ye tagu we napaḻyawan da aḻan. Tutuḵdu si sinagung Jesus ya nansilup ḵan nanggodong somsomoḵna. Pun naḵimtanda.

Luke 2:46

Ḵaḵlun aḻgawna ḵad, indasanda si paway ni templo we maḵaam-ammung atta mimistulun ni lintog ya nandodongngoḻ ḵan nan-im-imus ḵan dida.

Acts 9:1

Sa sadi ye timpu, pinagatupan Saul we nangoḻḵog ya nangongat atta disipulun Apu, pun ummoy si ḵangatuwane padi

Acts 26:9

“Taḵon ay saḵon atte awe, simsimmoḵḵu we ḵasapuḻane iggaḵ ḵabooḻaḵe sumullagi'tta namati ḵan Jesus we iNazareth.