Acts 22:24 - Sa Ugud Apudyus

²⁴ Pun impaidatong ni kumander aḵ Paul atte ḵampu woḵ imbaganae ap-aplitonda ta ibabaggana nu ngai gapun ni simboboggaan da tagu ḵan siya.

Acts 22:24 Referans Kwoze

Acts 23:10

Pun amo dummallu susubogda woḵ naḵimtan kumander te ḵananapun nu an-in-innatanda'ḵ Paul. Pun binilinna da suḻdadu we umoyda aḻan ta itallayda'tte ḵampuda.

Acts 21:34

Unipun amo nagulu da tagu we nandatdatong si ummamdane omoḻe ippun puutna te awad ay osa nambogga ḵad da ḵaaduwan ippun igammuda nu ngai gapun ni nadagupanda. Pun binilinna da suḻdadu ta itallayda'ḵ Paul atte ḵampuda.

John 19:1

Pun impaaḻan Pilate aḵ Jesus atta suḻdaduna woḵ impaap-aplitna.

Hebrews 11:35

Gapu'tte pammatin da udume bubai, inawatda da ummuli ye ḵabagiyandae nanḵaḵatoy. Da udum, adidapun pione mapuḵayan atte ampaḵaḻamanda. Minangnuda nampaḵaḻamda inggana'ḵ natoyda ta umulida si nabaḻbaḻu we biyag.

Acts 23:27

Sa annae tagu we impaiyoyḵu ḵan siḵa, dinoḵmaan da Judyu woḵ tigangayda gongaton. Yaḵon saḵon ya da suḻdadu, ummoyni illigsi te inigammuḵe Romano.

Acts 16:37

Yaḵon ḵanan Paul atta pulis, “Impaap-aplit diḵani si sinagung da tagu we ippun indasanda'ḵ naḵabasuḻanni. Ḵad imbaḻudda diḵani ye gagangaye Romano. Sinsadi itaḻutaḻuyu ḵad aine amaḻyaw ḵan diḵani? Adipun maḵwa ḵatti! Da opisyal ad Rome da umali sina ta didae mismu angilawa ḵan diḵani.”

Acts 21:37

Anna ḵade iyoyda'ḵ Paul si ḵampuda, ḵanana si kumander, “Anna ud yan ibagaḵ ḵan siḵa.” Ḵanan ni kumander we summongbat, “Igammume an-ugud atte Greek?

Acts 28:18

Sinumaḻyan ḵad da iRome saḵon, piondae mapuḵayanaḵ te inigammudae ippun ḵingwaḵ aḵ lawweng aḵ labbongnae matoyaḵ.