Acts 21:16 - Sa Ugud Apudyus

¹⁶ Inggaw da udum atta disipulun Jesus we iCaesarea we nibuḻun ḵan diḵani. Dummatong ḵani ḵad, inniyoyda diḵani si boḻoy Mnason we iCyprus, osa'tta ummunae namati woḵ inggaw ḵani si boḻoyna.

Acts 21:16 Referans Kwoze

Acts 21:8

Mabigatpun tinenanni'd Ptolemais woḵ ummoy ḵani'd Caesarea. Inninggaw ḵani sidi si boḻoy Philip we osa'tta angiwaḻagawag si Ambaḻu we Damag. Siya osa'tta pitu we nadutuḵan ad Jerusalem we bumadang atta apostol.

Philemon 1:9

Yaḵon gapu'tte ayat, andagdaguwaḵ ḵan siḵa. Ḵooḵ anna, taḵon ay nu saḵon aḵ Paul we maḻmaḻong-ag ḵan nibabaḻud os sinsana gapu ḵan Jesu Kristu.

Romans 16:7

Isuna bos ḵan da Andronicus ḵan Junia we dogaḵe Judyu we nabaḻud si awe. Iniiggammun da apostol dida ya ummunada namati ḵan Kristu nu saḵon.

Acts 15:39

Pune sadi, amod de sossongbatda woḵ nansinada. Innawit Barnabas aḵ Mark woḵ nalluganda'tte bapur we umoy ad Cyprus.

Acts 11:19

Sa nangongatanda ḵan Stephen, nampaḵaḻamonda da namati woḵ nabuḵaḻda. Ummoy da udum atte probinsiya'd Phoenicia, da udum ummoyda'd Cyprus we ili si gawan ni baybay ya ummoyda udum atte siyudad ad Antioch woḵ iwwaḻagawagda Ugud Apudyus atta Judyu we abus.

Acts 10:48

Pun imbilin Peter we mabonyaganda si ngadan Jesu Kristu. Pun tinawidanda'ḵ Peter ta inggaw ḵan dida'ḵ adu we aḻgaw.

Acts 10:24

Mabigat ḵad os dummatongda'd Caesarea. Inuuway Cornelius dida woḵ inayagana da susunudna ya da buḻbuḻunna.

Acts 8:40

Yaḵon nan-imonga ḵad aḵ Philip anna'd Azotus. Ḵad da innoynae naḻpu'd Azotus, iwwaḻagawagna Ambaḻu we Damag atta adu we ili inggana'ḵ dummatong ad Caesarea.

Acts 4:36

Inggaw aḵ Joseph we osae ganaḵ Levi we iCyprus we nginadanan da apostol aḵ Barnabas sa piona ḵanan Sumoḻgag.

Acts 15:7

Nagangput ḵade nabayag nansosongbatanda, summiḵad aḵ Peter woḵ ḵanana, “Susunud ḵan Kristu, inigammuyu we sa awe, saḵon pinilin Apudyus ḵan ditaḵu'ḵ umoy angiwaḻagawag si Ambaḻu we Damag atta Gentil ta dongngonda ya amatida.