Acts 21:10 - Sa Ugud Apudyus

¹⁰ Sa inninggawanni ḵad sidi si pigan aḻgaw, dummatong osae profeta we nangngadan aḵ Agabus we naḻpu'tte probinsiya'd Judea.

Acts 21:10 Referans Kwoze

Acts 11:28

Osa ḵan dida nangngadan aḵ Agabus we summiḵad woḵ impadtuna imbagan ni Ispiritu Santu ḵan siyae dumatong ummamdane inggi'tta adu we ili si lubung. Pun nituttuwa'tte timpu we nampangatan Emperor Claudius.

Acts 21:4

Pun indasanni da udume namati ḵan Jesus woḵ inninggaw ḵani ḵan dida'ḵ sindumingguwan. Mipagapu si Ispiritu Santu imbagada ḵan Paul we adina pagatupane umoy ad Jerusalem.

Acts 20:16

Simsimmoḵ Paul we umadini ansadang ad Ephesus ta adi ḵani mataḵtaḵ sidi'tte probinsiya'd Asia te maḵamu'ḵ Paul we dumatong ad Jerusalem te nu maḵwa oḵyan, pionae sambutan Gayagayan da Judyu we ngannonda Pentecost.

Acts 21:7

Pinagatupanni ye nambaate naḻpu'd Tyre woḵ dummatong ḵani'd Ptolemais. Pun ummoyni pinakumusta da susunud ḵan Kristu sidi woḵ inninggaw ḵani'ḵ sin-aḻgaw.

Matthew 2:1

Aḵ Jesus ḵad niyanaḵ ad Bethlehem atte probinsiya'd Judea si nampangatan Ari Herod. Baag-en inninggaw da ummoy ad Jerusalem we naḻpu si dumingitan init. Nalaingdae angibaga'tta pion da bituwon ḵanan.