Acts 20:6 - Sa Ugud Apudyus

⁶ Naabus ḵad de Gayagayan da Judyu we ngannonda Tinapaye Naippun Yeastna, tinenanni'd Philippi woḵ nambapur ḵani ta unudonni dida. Naḻaḵpus ḵad liman aḻgaw, asiḵaniyot dummatong atta buḻunni'd Troas woḵ inninggaw ḵani'ḵ pitun aḻgaw sidi.

Acts 20:6 Referans Kwoze

Acts 12:3

Innilana ḵade nas-om da Judyu si ḵingwana, impadoḵmana bos aḵ Peter. Sana naḵwa si Gayagayan da Judyu we ngannonda Tinapaye Naippun Yeastna.

Acts 16:12

Lummogsad ḵani ḵad atte bapur, nanadtaddaḻan ḵani ye ummoy ad Philippi we osan siyudad atte saḵubna'd Macedonia. Sidi ummiliyan da aduadu we iRome. Pun inninggaw ḵani sidi si pigan aḻgaw.

2 Timothy 4:13

Ḵad nu umaliḵa, dagasom ud overcoatḵu we tinenaḵ ḵan Carpus ad Troas. Idogam os da ibluḵ amod ay laḻate naḻuḵube nagiliyan.

1 Thessalonians 2:2

Te inigammuyu we taḵon ay nu nampaḵaḻamon ya inang-angyagda diḵani sidi'd Philippi si daanni ayan sinat ad Thessalonica, innatod Apudyus tuḻodni ye nangiwaḻagawag ḵan diḵayu si Ambaḻu we Damag we naḻpu ḵan siya taḵon ay adu da summullagi ḵan diḵani.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Acts 28:14

Sidi nangdasanni'tta udume susunud ḵan Kristu woḵ tinawidan diḵani ta inggaw ḵani ḵan dida'ḵ sindumingguwan. Sa sadi ḵad dummatong ḵani'd Rome.

Acts 21:8

Mabigatpun tinenanni'd Ptolemais woḵ ummoy ḵani'd Caesarea. Inninggaw ḵani sidi si boḻoy Philip we osa'tta angiwaḻagawag si Ambaḻu we Damag. Siya osa'tta pitu we nadutuḵan ad Jerusalem we bumadang atta apostol.

Acts 21:4

Pun indasanni da udume namati ḵan Jesus woḵ inninggaw ḵani ḵan dida'ḵ sindumingguwan. Mipagapu si Ispiritu Santu imbagada ḵan Paul we adina pagatupane umoy ad Jerusalem.

Acts 16:8

Pun nangoyda'd Mysia woḵ nan-osogda'd Troas.

Acts 16:10

Nagangput ḵad sadi ye innilan Paul si in-inop, daguse nallibbat ḵani ye umoy ad Macedonia te inigammuni ye pinilin Apudyus diḵani ta iwaḻagawagni Ambaḻu we Damag ḵan dida.

Acts 20:5

Dummatong ḵani ḵad ad Philippi, ummun-una da buḻunni woḵ inuwayda diḵani'd Troas.

Acts 20:16

Simsimmoḵ Paul we umadini ansadang ad Ephesus ta adi ḵani mataḵtaḵ sidi'tte probinsiya'd Asia te maḵamu'ḵ Paul we dumatong ad Jerusalem te nu maḵwa oḵyan, pionae sambutan Gayagayan da Judyu we ngannonda Pentecost.