Acts 20:35 - Sa Ugud Apudyus

³⁵ Sana pasigḵu ḵingwa ta awad unudonyu te ḵasapuḻane pumangog taḵu we anḵewaaḻ ta awad ibadang atta anḵasapuḻ, sosomḵonyu imbagan Apu Jesus we ḵanana, ‘Amo pian angitod nu sa an-awat.’ ”

Acts 20:35 Referans Kwoze

Hebrews 13:16

Adi taḵu maliwatane angwa'tta ambaḻu ya allaay taḵu we angitod atta anḵasapuḻ te ḵatti datune mas-oman Apudyus.

Matthew 10:8

Ḵaanonyu da saḵit, taguwonyu da natoy, ḵaanonyu saḵit da naleprosy ya paḻyawonyu da aḻan atta naaḻanan. Naippun nambayadyu si annae ḵaḻabbongane innatodḵu ḵan diḵayu, pun adi ḵayu bos patangdan.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

1 Thessalonians 5:14

Bilibilinonni bos diḵayu susunudḵu ḵan Kristu ta bagbagaanyu da baduuḻ, soḻgagonyu da allasu we madismaya, badanganyu da anḵuya pammatida ya anusanyu dida losan.

Romans 15:1

Ditaḵu we ampigsa da pammati taḵu, ḵasapuḻane anusan taḵu da anḵuya da pammatida. Daḵampun aḵ abus bumaḻuwan taḵu'ḵ somsomḵon taḵu.

Acts 20:27

Te impaigammuḵ ḵan diḵayu da losane pinion Apudyus.

Hebrews 13:3

Iḵagasmoḵyu da awad si babaḻḻudane isun di nidoga ḵayu ḵan dida ya da mapaḵaḻame isun di midoga ḵayu ampaḵaḻam ḵan dida.

Ephesians 4:28

Nu awad aḵḵawan ḵan diḵayu, iginoḵna oḵyan yaḵon ipapuutnae anḵewaaḻ aḵ iḵataguna ta awad ibadangna'tta anḵasapuḻ.

Acts 20:20

Inigammuyu bose naippun adiḵ imbaga ḵan diḵayu'tta ngaimane bumaḻuwanyu si nangiwaḻagawagaḵ ḵan nantuttuduwaḵ ḵan diḵayu si sinagung da aduadu we tagu ya ummoyḵu bos binoḻoboḻoy.

2 Corinthians 12:13

Te da losane ḵingwaḵ atta gimung da namati'tta udume ili, dida bos da ḵingwaḵ ḵan diḵayu. Nu adi abus adiyaḵpun nanḵodaw ḵan diḵayu'tta ḵasapuḻaḵ. Pun nu iḵagasmoḵyu ḵingwaḵe lawweng, ḵodawoḵe pakawanonaḵ.

2 Corinthians 11:9

Sa inninggawaḵ ḵan diḵayu, adiyaḵpun nanḵodaw ḵan diḵayu si awad de ḵasapuḻaḵ te da susunud ḵan Kristu we naḻpu'd Macedonia da nangitod atta masapuḻḵu. Ḵad ḵatti bos ḵooḵ si umali ye aḻgawe adiḵpun paat ampaḵaḻamon diḵayu'tta masapuḻḵu.

1 Thessalonians 4:11

Iggayu ḵabooḻanyu we angipaila si allin-awae antatagu, abus ḵuwayu'ḵ ambiyanganyu ya iḵewaaḻyu da masapuḻyu we isun ni imbilinni ḵan diḵayu.

2 Corinthians 11:12

Ḵad pagapagatupaḵ ḵoon ḵaḵna ta ippun wayan da awad sinate apostolyu we angiyisḵaḻ atte mipanggob si ḵewaaḻda ḵan an-isu ḵoonda si ḵoonni.

1 Corinthians 9:12

Pun nu awad ḵaḻabbongan da udume ampabadang ḵan diḵayu, amo sindumallu ḵan diḵani? Yaḵon taḵon ay nu awad ḵaḻabbonganni ye ampabadang ḵan diḵayu, adinipun ipatut te inan-anusanni taḵon ay ngai ampaḵaḻamanni ta ippun matupodan ni Ambaḻu we Damag si mipanggob ḵan Kristu.

Acts 20:34

Iniiggammuyu we nanḵewaaḻaḵ ta inginaḵ atta ḵasapuḻaḵ ya sa ḵasapuḻan da buḻunḵu.

Acts 20:36

Imbagan ḵad ay Paul sadi, nanalluḵuda losan woḵ nalluwaḻu'ḵ Paul.

3 John 1:7

Te ummoyda ta iwaḻagawagda mipanggob ḵan Apu Jesus woḵ adidapun inawat badange naḻpu'tta adipun namati.