Acts 20:3 - Sa Ugud Apudyus

³ Inninggaw aḵ tuḻun buḻan sidi. Yaḵon annapun oḵyane ambapur we umoy ad Syria, inigammunae nan-uunudan da Judyu we gongatonda. Pun simsimmoḵnae mipauli angoy ad Macedonia.

Acts 20:3 Referans Kwoze

Acts 20:19

Nanserbiyaḵ ḵan Apu Jesus we napakumbaba. Ḵad naaḻuboy os luwaḵ si lawweng ni somsomoḵḵu gapu si namaḵapaḵaḻaman da dogaḵe Judyu ḵan saḵon te nan-uunudandae gongaton saḵon.

2 Corinthians 11:26

Ippun adi naḵwa ḵan saḵone ḵaog-ogyat atta nambabbaataḵ, isun da dinaḵoḻ da tawwang ya da tulisan atta daḻan. Inggaw os da ḵaog-ogyate ḵingwan da ḵailiyaḵe Judyu ḵan saḵon ya taḵon ay os da Gentil. Ḵaog-ogyat os naḵwa ḵan saḵon atta siyudad ya sa bumbummaaw, sa baybay ya ḵaog-ogyat da ḵingwan da ḵapappailae susunud taḵu ḵan saḵon.

Acts 25:3

Nandagdaguda ḵan Festus we ipaulida'ḵ Paul ad Jerusalem te sa planuda umoyda bangabangon si daḻan ta gongatonda.

2 Corinthians 7:5

Te taḵon ay dummaḵnganni'd Macedonia, ippun umillongan da somsomoḵ ḵan long-agni gapu'tta amode ampaḵaḻamane nilaḵ-amni'tta ngaimane ummayanni. Ḵad adu we gulu'tte nampaliḵwos ḵan diḵani ya ambimbinsaw ḵani.

Galatians 1:21

Naabus ḵad de sadi, ummoyaḵ atta ili'd Syria ya ad Cilicia.

2 Corinthians 1:15

Gapu ta aaddi ye antaḻgod ḵayu ḵan saḵon, simsimmoḵḵu we iyyaḵ unaon diḵayu gaggaḵayon ya asiḵaniyot angaw-as ad Macedonia ḵad angoyaḵ ḵasin sinat nu angulinaḵe maḻpu'd Macedonia ta amigwa amadangaḵ ḵan diḵayu ta masoḻgaganyu ya pioḵ ose ampabadang ḵan diḵayu si sanae ayonaḵ atte probinsiya'd Judea.

Acts 21:3

Sa madawigi, maotap ad Cyprus atte lummausanni, pun nangaw-as ḵani'd Tyre ye osan ili si probinsiya'd Syria. Nandissaag ḵani sidi te indissaag ni bapur da karga.

Acts 19:21

Nagangput ḵad sanae naḵwa, simsimmoḵ Paul we angoy si probinsiya'd Macedonia ḵan Achaia ya asiyot umoy ad Jerusalem. Ḵanana, “Nu magangputaḵ umoy sidi, ḵasapuḻane iyyaḵ os ad Rome.”

Acts 18:18

Nabayag ḵad inninggawan Paul ad Corinth, nampaḵada'tta susunud ḵan Kristu woḵ nambapur we ummoy ad Syria we binuḻunan da Aquila ḵan Priscilla. Ad Cenchreae, nampapuluḵ aḵ Paul ta mituttuwa insapatana ḵan Apudyus.

Acts 16:9

Sa sadi ye labi, inggaw impailan Apudyus ḵan Paul si in-inop. Innilana laḻaḵi ye iMacedonia we tataḵdoge nandagdagu ḵan siya woḵ ḵanana, “Umaliḵa ḵappos sina'd Macedonia ta badangam diḵani.”

Matthew 4:24

Nandinongoḻ da ḵingwan Jesus atta losane saḵubna'd Syria. Pun nan-iyoyda ḵan siya'tta losane nasaḵit ya da ampaḵaḻam, isun da naaḻanan, naḵoḻtoy ya da naparalaes woḵ ḵinaanna da saḵitda.

Acts 16:12

Lummogsad ḵani ḵad atte bapur, nanadtaddaḻan ḵani ye ummoy ad Philippi we osan siyudad atte saḵubna'd Macedonia. Sidi ummiliyan da aduadu we iRome. Pun inninggaw ḵani sidi si pigan aḻgaw.

Acts 20:1

Nagangput ḵad sadi ye gulu, nandaḵdaḵngon Paul da namati ta soḻgagona dida. Unipun, nampaḵada woḵ ummoy ad Macedonia.

Acts 20:2

Ummoyna ginaḵay da namati'tta ḵinailin di ili sidi ta soḻgagona dida woḵ ummoyon ad Achaia we ngannonda Greece.