Acts 20:18 - Sa Ugud Apudyus

¹⁸ Dummatongda ḵad, ḵanana ḵan dida, “Iniiggammuyu nantataguḵ si inninggawaḵ ḵan diḵayu inggan ni damu we ummaliyaḵ si probinsiya'd Asia.

Acts 20:18 Referans Kwoze

Acts 19:1

Sa inninggawan ḵad Apollos ad Corinth, ummoy aḵ Paul ad Ephesus we naḻpu'd Phrygia we nangoy si beleg. Dummatong ḵad sidi, indasana da udume namati,

Acts 18:19

Dummatongda ḵad ad Ephesus, lummogsadda'tte bapur sidi woḵ tinenana da Aquila ḵan Priscilla. Yaḵon ummunae mismu ummoy atte sinagoga ya naḵasossongbat atta Judyu.

Acts 19:10

napagapagatupan sana si duwan tawon. Pun losan atta ummili'tte probinsiya'd Asia nandongoḻda si Ugud Apu, Judyu baḵon nu Gentil.

2 Timothy 3:10

Yaḵon ḵan siḵa Timothy, igammum da losane mipanggob atte intuttuduḵ, sa ugaliḵ ya sa panggobḵu si annae biyagḵu, sa pammatiḵ, anusḵu ḵan an-aayatḵu'tta buḻunḵu ya sa nangipapattiyaḵe nangunud ḵan Apudyus.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

Acts 20:4

Binuḻunan da Sopater we abeng Pyrrhus we iBerea ya da Aristarchus ḵan Secundus we iThessalonica. Inggaw os aḵ Timothy, Gaius we iDerbe ya da Tychicus ḵan Trophimus we iyAsia.

Acts 20:16

Simsimmoḵ Paul we umadini ansadang ad Ephesus ta adi ḵani mataḵtaḵ sidi'tte probinsiya'd Asia te maḵamu'ḵ Paul we dumatong ad Jerusalem te nu maḵwa oḵyan, pionae sambutan Gayagayan da Judyu we ngannonda Pentecost.