Acts 20:11 - Sa Ugud Apudyus

¹¹ Pun nipauli'ḵ Paul ad ngatu woḵ binisbisaḵna tinapay woḵ ḵanonni. Naabus ḵani ḵad, pinagatupanae naḵaug-uggud ḵan dida inggana'ḵ madam-an taḻun woḵ ummoyon ḵani.

Acts 20:11 Referans Kwoze

Acts 20:7

Sa mabigat ḵade nagangputan ni umillongane imbelangdae umunae aḻgaw ni sindumingguwan, nandatdatong ḵani ye namati'd Troas ta ḵanonni tinapaye angiḵagasmoḵanni si natoyan Jesus. Nantuttudu'ḵ Paul atta tagu inggana'ḵ gawallabi te ḵananapun nu umoyon si mabigat.

Acts 20:9

Inggaw os babaḻu we tummuḵdu si tawae Eutychus ngadanna. Gapu ta anduandu nan-ugudan Paul, nanduḵduḵmog pun naottage naḻpu'tte ḵumaḵlu we galadun ni boḻoy. Ummoyda ḵad winaway, naabuse natoy.

Acts 2:42

Impapatidae nan-adaḻ atta tuttudun da apostol ya nambubuḻunda, nanḵaḵaḵanda'tte tinapaye angiḵagasmoḵanda si natoyan Jesus ya nalluwaḻuda.

Acts 20:12

Binuḻunanda sadi ye babaḻu we naottage ummoyon woḵ sillalaylayadda te natagu.