Acts 2:4 - Sa Ugud Apudyus

⁴ Pune sadi, ummoy ḵabooḻan ni Ispiritu Santu ḵan dida woḵ insaḻaddae an-ugud atta nansabasabali ye ugude adidapun inadaḻe impaibagan ni Ispiritu ḵan dida.

Acts 2:4 Referans Kwoze

Mark 16:17

Annaya da nakaskasdaawe sinyale ipailan da amati. Paḻyawonda da aḻan si angusaranda'tte ngadanḵu ya an-uguda'tta udume ugude adidapun igammu.

Acts 13:52

Ḵad da namati ḵan Jesus ad Antioch, amod de layadda ya naittanda si ḵabooḻan ni Ispiritu Santu.

Acts 4:31

Nalluwaḻuda ḵad, nayyugayug boḻoye nadagupanda. Pun ummoy ḵabooḻan ni Ispiritu Santu ḵan dida woḵ tummuḻoddae nangiwaḻagawag si Ugud Apudyus.

Ephesians 5:18

Ḵad adi ḵayu ambarbartek te dumadail yaḵon iyunudyu oḵyane sa ḵabooḻan ni Ispiritu Santu awad ḵan diḵayu.

1 Corinthians 12:10

Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

Acts 19:6

Impatay ḵad Paul da imana ḵan dida, ummoy Ispiritu Santu woḵ nan-ugudda'tta nansabasabali ye ugude adidapun inadaḻ ya impaigammuda Ugud Apudyus.

Acts 10:46

Te dingngoḻda didae nan-ugudda'tta nansabasabali ye ugud ya indaydayawda'ḵ Apudyus. Pun ḵanan Peter,

Acts 9:17

Pun ummoy aḵ Ananias woḵ nillumnoḵ atte boḻoye inninggawan Saul. Pun impatayna da imana ḵan siya woḵ ḵanana, “Sunudḵu we Saul, aḵ Apu Jesus we nampaila ḵan siḵa si daḻan, siya nangibuun ḵan saḵon ta maḵailaḵa ya umoy ḵabooḻan ni Ispiritu Santu ḵan siḵa.”

Acts 7:55

Yaḵon aḵ Stephen, naittan atte ḵabooḻan ni Ispiritu Santu woḵ nantangad ad langit. Pun innilana ḵinapaddan Apudyus ya aḵ Jesus we sisiḵad atte madawinanna.

Acts 1:5

Te nambonyag aḵ John si danum yaḵon sa sin-aḵitane aḻgaw mabonyaganda'tte Ispiritu Santu.

1 Corinthians 13:8

Da ḵabooḻane ampadtu ampatinggada. Da ḵabooḻane an-ugud atta nansabasabali ye ugud ampatinggada. Ḵad da ḵabooḻane maḵaawat atta losane maḵwae maigammu ampatinggada bos. Yaḵon sa ayat ippun patinggana.

1 Corinthians 13:1

Taḵon ay nu awad ḵabooḻaḵe an-ugud atta ngaimane ugud di tagu ya taḵon ay ugud os da anghel nu naippun ayatḵu'tta asintataguḵ, naippun anuna. Mipaniyaḵ atte gangsae umas-aseset baḵon nu da udume ḵumaḻangḵang gingada.

Acts 13:9

Yaḵon aḵ Saul we nangngadan aḵ Paul, naittan si ḵabooḻan ni Ispiritu Santu woḵ immumusḵoḻna'ḵ Elymas.

Acts 2:11

da Judyu ya da Gentil we amati ḵan Apudyus we isun da Judyu we amati ḵan siya. Ḵad da udume iCrete ḵan iyArabia. Ḵad annae dodongngon taḵu didae ibagabagada si ugud taḵu da nakaskasdaawe ḵingwan Apudyus.”

Luke 12:12

Te sa sadi ye oras, ipaigammun ni Ispiritu Santu da ugudonyu.”

1 Corinthians 14:18

Anggappiyaaḵ te amo ḵabooḻaḵe an-ugud atta sabali ye ugud nu diḵayu losan.

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Acts 4:8

Pun naittan aḵ Peter atte ḵabooḻan ni Ispiritu Santu woḵ ḵanana, “Diḵayu we papangat ya pallakayon,

John 20:22

Imbagana ḵad sana, sinap-uyana dida woḵ ḵanana, “Awatonyu Ispiritu Santu.

Luke 4:1

Nabonyagan ḵad aḵ Jesus, ummoyone naḻpu'tte tawwang Jordan. Pun inniinggaw ḵabooḻan ni Ispiritu Santu ḵan siya woḵ impuyutna'tte bumbummaaw.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

1 Corinthians 14:5

Pioḵ oḵyan nu losan ḵayu nalainge an-ugud atta nansabasabali ye ugud yaḵon amo pipioḵ nu awad ḵabooḻanyu losane angipaigammu'tta losane gimung si pinion Apudyus. Te amo bumadang tagu we angipaigammu'tta pinion Apudyus nu sa an-ugud atta nansabasabali ye ugud. Malaksid nu awad angipaḵaawat ta masoḻgagan da losane namati.

Acts 11:15

Insaḻadḵu ḵade nan-ugud, ummoy Ispiritu Santu ḵan didae isun ni ummaliyana ḵan ditaḵu si laplapu.

Acts 6:5

Nas-om da losane namati si imbagan da apostol woḵ pinilida'ḵ Stephen we ampigsa pammatina ya naittan si ḵabooḻan ni Ispiritu Santu. Da udume napili, aḵ Philip, Prochorus, Nicanor, Timon, Parmenas ya aḵ Nicolaus we osae Gentil we iyAntioch we inunudna ugalin da Judyu.

Acts 6:3

Susunud ḵan Kristu, pumili ḵayu'ḵ pitu we laḻaḵi ḵan diḵayu we da ambaḻu ugalida ya naittanda si ḵabooḻan ni Ispiritu Santu ya ḵinalaing. Ḵad dida da dutuḵan taḵu'ḵ awwaḻas atta maḵan

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Luke 1:15

te ampatog atte antotollong Apudyus. Adipun oḵyan uminum aḵ bayas ya da udume bumartek. Taḵon ay sissiyaana'tte buwang inana, inggaw ḵabooḻan ni Ispiritu Santu ḵan siya.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Ephesians 3:19

Taḵon ay nu ansigab aḵ maawatane ustu sanae ḵinabaḻun ni ayat Kristu, iluwaḻuḵe madog-adog-an oḵyan igammuyu inggana'ḵ miyisu da ugaliyu'tte ugalin Apudyus we naippun kurangna.

Acts 11:24

Te aḵ Barnabas ambaḻu we tagu ya naittan atte ḵabooḻan ni Ispiritu Santu ya ampigsa pammatina. Pun nadog-adog-an belang da inawisnae namati ḵan Apu.

Acts 6:8

Aḵ Stephen, amod de ḵinabaḻun Apudyus ḵan siya ya innattan Apudyus aḵ ḵabooḻane nangwa'tta nakaskasdaaw ḵan sinyal atte sinagung da tagu.

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Luke 1:67

Pune sadi, aḵ Zechariah we aman John, ummoy ḵabooḻan ni Ispiritu Santu ḵan siya woḵ impaigammuna sanae Ugud Apudyus. Ḵanana,

Luke 1:41

Dingngoḻ ḵad Elizabeth gingan Mary, nanggidu abeng atte buwangna. Pun ummoy ḵabooḻan ni Ispiritu Santu ḵan Elizabeth

Matthew 10:19

Ḵad nu sumaḻyaonda diḵayu, adi ḵayu ambinsaw mipanggob si inonyu we anaḵdoḻ si mipanggob ḵan saḵon ya sa isongbatyu te sa sadi ye timpu mipaigammu da ustu we ugudonyu.

2 Peter 1:21

Te naippun nipadtu'ḵ naḻpu si pinion ni tagu yaḵon indaḻan ni Ispiritu Santu didae nangibagabaga si ugude naḻpu ḵan Apudyus.

Acts 2:3

Pun innilada da isudan delae apuye nansimpa'tta sin-ossaossa ḵan dida.

Acts 8:17

Pun impatay da Peter ḵan John da imada ḵan dida woḵ inawatda Ispiritu Santu.

Acts 10:47

“Inawat da annae tagu Ispiritu Santu we isun ni nangawatan taḵu. Awad ḵamman osa'ḵ angiyadi ye aditaḵupun bonyagan da annae tagu si danum?”

Acts 15:8

Aḵ Apudyus we angigammu si awad atte somsomoḵ da tagu, impailanae inawatna da Gentil we namati si nangattana'tte Ispiritu Santu ḵan didae isun ni nangattana ḵan ditaḵu.