Acts 2:37 - Sa Ugud Apudyus

³⁷ Dingngoḻ ḵad da adu we tagu imbagan Peter, amod de babawida woḵ ḵananda ḵan Peter ya da udume apostol, “Susunude ganaḵ Israel, ngai ḵoonni?”

Acts 2:37 Referans Kwoze

Luke 3:10

Gapu'tte sadi, amod da tagu we ḵanandae nangim-imus, “Ḵad umpay, ngai ḵoonni?”

Acts 22:10

“Pun ḵanaḵ ose nan-imus, ‘Apu, ngai ḵooḵ?’ “Ḵanan Apu ḵan saḵon, ‘Lumibbatḵa ta inḵa'd Damascus te awad sidi angibaga'tta losane simsimmoḵḵu paḵwa ḵan siḵa.’

Luke 3:14

Inninggaw os da suḻdadu we ummoy nan-imus ḵan siya woḵ ḵananda, “Diḵani ḵad, ngai ḵoonni?” Ḵanana ḵan dida, “Adiyu ḵoḻḵogon baḵon nu pabasuḻon da ngaimane tagu ta aḻanyu da pilaḵda ḵad mat-op ḵayu oḵyan os atta tangdanyu.”

Luke 3:12

Inninggaw os da andadagup atta bugise ummoy nampabonyag ḵan siya woḵ ḵananda, “Mistulu, ngai ḵoonni?”

John 8:9

Dingngoḻda ḵad ay insongbat Jesus, nasin-ossadae ummoyon, ummuna da anḵamaḻong-ag. Pun ummabus aḵ Jesus ya sa bubai ye sisiḵad.

Romans 7:9

Sa naḻaḵpuse aḻgaw, nat-opaḵ si nantataguḵ te adiḵpun inigammu ustu we pion ni lintog ḵanan. Yaḵon naawataḵ ḵad piona ḵanan, naawataḵ ose gagangaye ḵabasbassuḻanaḵ ya isuḵ natoye nisina ḵan Apudyus.

Acts 7:54

Dingngoḻ ḵad da papangat da Judyu da imbagan Stephen, ngumalitod da babada'tte ummamdane sangada.

Acts 5:33

Dingngoḻ ḵad da ḵuḵunsisaḻ sadi, amod de sangada woḵ pionda gongaton da apostol.

Acts 1:16

“Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.