Acts 2:30 - Sa Ugud Apudyus

³⁰ Gapu ta osae profetan Apudyus, inigammuna gattoḵe inkarin Apudyus ḵan siyae awad de osae ganaḵnae iggana si tronona.

Acts 2:30 Referans Kwoze

2 Peter 1:21

Te naippun nipadtu'ḵ naḻpu si pinion ni tagu yaḵon indaḻan ni Ispiritu Santu didae nangibagabaga si ugude naḻpu ḵan Apudyus.

2 Timothy 2:8

Sosomkom aḵ Jesu Kristu we ummuli ye ganaḵ Ari David. Siya Ambaḻu we Damag we iwwaḻagawagḵu.

Mark 12:36

Te aḵ Ari David we mismu ngannona'ḵ Kristu Apuḵ. Te sa imbagana, impaspasmoḵ ni Ispiritu Santu ḵan siyae ḵanana, “ ‘Ḵanan Apudyus atte Apuḵ: Tumuḵduḵa'tte madawinanḵu inggana'ḵ oḻgoḵ da ḵabusuḻnu.’ ”

Revelation 19:16

Sa langgoyodna ya sa uḻpuna, nigili annae ngadane ḵanana, “Ḵangatuwane Ari atta losane Ari ya Ḵangatuwane Apu atta losane Apu.”

Revelation 17:14

Ḵad gubatonda Ubbu we Karnero yaḵon oḻgona dida te siya ḵangatuwane Apu atta losane Apu ḵan ḵangatuwane Ari atta losane Ari. Da buḻunna ḵad, dida da naayagan ya napili ya mataḻgodane amati ḵan siya.”

Hebrews 7:21

Yaḵon nambalin ḵad aḵ Jesus aḵ padi, inkarin Apudyus ḵan siya ḵanane, “Saḵon Apu, ikariḵe siḵa padi'ḵ inggana. Ḵad ippun paat ambaliwan ni somsomoḵḵu.”

Hebrews 6:17

Ḵad aḵ Apudyus pionae mipaḵaawate ustu'tta anawid si inkarinae adipun paat mabaliwan panggobna. Pun pinanoḵnoḵana gapu'tte ampigsae karinae inusarna mismu we ngadanna.

Hebrews 4:7

Pun nangiḵoddong aḵ Apudyus aḵ osae aḻgawe lumnoḵan da tagu we maḵaillong ḵan siyae ngadanona, “Sinsadi.” Te sa awe adipun da danaḵḵoḻ taḵu nillumnoḵ. Imbagan os Apudyus ḵan Ari David si nigili ye ugudna ḵanane, “Sinsadi, nu dongngonyu Ugudna, adiyu patungitongon da somsomoḵyu.”

Hebrews 3:7

Pun ḵanan ni Ispiritu Santu, “Sinsadi ye aḻgaw, nu dongngonyu Ugudna,

Romans 15:12

Ḵad awad os inggilin Profeta Isaiah we ḵanana, “Awad de ganaḵ Jesse we asi umali ta angipangat atta Gentil. Siya namnamaonda.”

Acts 1:16

“Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Matthew 27:35

Pune sadi, impattoḻda'tte kros. Pun nambubbunutda woḵ nambisbisaḵanda silupna.

Matthew 22:43

Ḵanan os Jesus ḵan dida, “Yaḵon ngaipan Ari David ngannon aḵ Kristu Apuḵ? Te sa imbagana, impaspasmoḵ ni Ispiritu Santu ḵan siyae ḵanana,

Hebrews 1:1

Sa awe adu we timpu ḵan nansabasabali inon Apudyus we nan-ugud atta danaḵḵoḻ taḵu mipagapu'tta profetanae an-uuggudona.