Acts 2:3 - Sa Ugud Apudyus

³ Pun innilada da isudan delae apuye nansimpa'tta sin-ossaossa ḵan dida.

Acts 2:3 Referans Kwoze

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Acts 2:4

Pune sadi, ummoy ḵabooḻan ni Ispiritu Santu ḵan dida woḵ insaḻaddae an-ugud atta nansabasabali ye ugude adidapun inadaḻe impaibagan ni Ispiritu ḵan dida.

Luke 24:32

Ḵananda, “Siya lummayadanta si inggawan taḵu'tte daḻan si nangipaḵaawatana'tta nigili ye Ugud Apudyus.”

Revelation 14:6

Pun innilaḵ osae anghel we antattayap ad ngatu. Inninggaw ḵan siya Ambaḻu we Damag we sa ippun ambaliwana'ḵ ingganae umoyna iwaḻagawag atta tagu'tta losane ili ya da losane tribu ya da tagu we nansabasabali gingada ḵan naḻpuwanda.

1 Corinthians 12:10

Ḵad da udum, naittanda'ḵ ḵabooḻane angwa'tta nakaskasdaaw ya da udum naittanda'ḵ ḵabooḻane angipaigammu'tta ngaimane pinion Apudyus ipaigammu. Ḵad awad os da naittan aḵ ḵabooḻane angimatun nu aḵ Apudyus naḻpuwan da ngaimane ḵabooḻan baḵon nu naḻpu'tta aḻan. Ḵad da udum, naittanda'ḵ ḵabooḻane an-ugud atte sabali ye ugude adidapun inadaḻ. Ḵad naittan os da udum aḵ ḵabooḻane angipaḵaawat atta pion ni ugud ḵanan.

Acts 2:11

da Judyu ya da Gentil we amati ḵan Apudyus we isun da Judyu we amati ḵan siya. Ḵad da udume iCrete ḵan iyArabia. Ḵad annae dodongngon taḵu didae ibagabagada si ugud taḵu da nakaskasdaawe ḵingwan Apudyus.”

Matthew 3:15

Yaḵon ḵanan Jesus we summongbat, “Ḵoom sinsadi te ustu nu ḵoon taḵu anna ta ituttuwa taḵu da losane pinion Apudyus.” Pun binonyagan John.

Revelation 11:3

Ḵad ittoḵ ḵaḻabbongan atta duwae anaḵdoḻ ḵan saḵon ḵad angipadtuda'tta ipaigammuḵ ḵan dida si unog di sillibu ya duwanggasut ya onompuḻu we aḻgaw. Ansisillupda'ḵ saḵu.”

James 3:6

Sa dela taḵu isunan apuye sumgob ya dumadail atta losane nampaliḵwos. Te nu an-ugud taḵu'ḵ lawweng, ipailanae amod de lawwenge awad ḵan ditaḵu, siya gapun ni angwaan taḵu'ḵ lawweng ya ansomsomḵan taḵu'ḵ lawweng ya lumawengan os da adu we tagu. Sa annae lawweng naḻpu ḵan Satan ḵad dadailona losane ḵinatatagu taḵu.

Acts 1:15

Sin-aḻgawan ḵad, nandatdatong da namati ḵan Jesus we batug di naḻpaan aḵ duwampuḻu belangda. Pun summiḵad aḵ Peter woḵ ḵanana,

Acts 2:2

Baag-en dingngoḻda bunguge naḻpu'd langite isun ni bungug ni ampigsapigsae bibbid woḵ nangalliwoḵ si boḻoye nandaḵdaḵnganda.